देउसी खेलेको रकमले मजदुरलाई खाना

दिपेन्द्र रोक्का

काठमाडौँ — भक्तपुरको जगातीमा पाँच दिनदेखि सिपाडोल क्षेत्र परोपकार समाजले लकडाउनका क्रममा दुख पाएर घर जाने पैदलयात्रु र मजदुरलाई खानेकुराकाे व्यवस्थापन सुरु गरेको छ । देउसी–भैलाे खेलेर उठेको रकम अहिलेको विषम परिस्थितिलाई मध्यनजर गर्दै खर्च गरिएको सूर्यविनायक नगरपालिका वडा नम्बर ८ का वडा अध्यक्ष किरण थापाले बताए ।

पैदल र गाडीमा आएका पैदलयात्रुलाई यहाँ खानाको साथसाथै मेडिकल जाँच र बिसौनीको व्यवस्था गरिएको छ । यात्रुहरु आउनासाथ स्थानीय स्वयंसेवीहरुले उनीहरुलाई रोकेर हात धुन पठाउँछन् । त्यसपछि उनीहरुको शरीरको तापमान थर्मल गनले जाँचिन्छ । व्यक्तिगत विवरण सबै लिइसकेपछि उनीहरुलाई खाना खान पठाइन्छ । खाना खाइसकेपछि उनीहरु नजिकैको पालमा बसेर आफ्नो गन्तव्यको गाडी कुर्छन् ।

प्रकाशित : वैशाख १०, २०७७ १६:०५
प्रतिक्रिया
पठाउनुहोस्

आरडीटीमा पोजिटिभ देखिएका वृद्धको पीसीआरमा कोरोना संक्रमण देखिएन

घनश्याम गौतम

रूपन्देही — बर्दघाट नगरपालिका–४ का ७८ वर्षीय वृद्धलाई र्‍यापिड डायग्नोस्टिक टेस्ट (आरडीटी) किटबाट दुई पटकसम्म गरिएको परीक्षणमा पोजिटिभ देखिएकोमा आरटी पीसीआर परीक्षणमा नेगेटिभ आएको छ । 



मंगलबार उनको चिसापानी सामुदायिक अस्पतालमा कोरोना भाइरस एन्टिबडी परिक्षण गरिएको थियो । उनी दमका रोगीसमेत भएकाले स्वासप्रश्वासमा समस्या देखिएपछि गरिएको परीक्षणमा पोजेटिभ देखिएको थियो । तर, भैरहवामा रहेको प्रदेश जनस्वास्थ्य प्रयोगशालामा आरटी पीसीआर मेसिनबाट गरिएको परीक्षणमा नेगेटिभ देखिएको प्रयोगशाला प्रमुख डा. राजेन्द्र गिरीले बताए । ‘अहिलेसम्म आरडीटी किटको परीक्षणमा पहिलो पोजिटिभ देखिएको थियो,’ उनले भने, ‘आरडीटीमा दुई पटक पोजिटिभ देखिएको भए पनि पीसीआरमा नेगेटिभ देखिएको छ ।’

आरडीटीमा पोजिटिभ देखिएपछि वृद्धलाई बुटवलस्थित लुम्बिनी प्रादेशिक अस्पतालको आइसोलेसन वार्डमा भर्ना गरेर उपचार सुरु गरिएको थियो । रिपोर्ट नेगेटिभ आएकाले अब आवश्यक प्रक्रिया पूरा गरेर डिस्चार्ज गरिने अस्पतालका मेडिकल सुपरिटेन्डेन्ट डा. राजेन्द्र खनालले बताए । वृद्धका परिवार सबैको आरडीटी परीक्षण गरे पनि अन्यको भने मंगलबार नै नेगेटिभ रिपोर्ट आएको थियो ।

प्रकाशित : वैशाख १०, २०७७ १५:५९
पूरा पढ्नुहोस्
प्रतिक्रिया
पठाउनुहोस्
×