मोरङ —  सूचना प्रविधिको क्षेत्रमा सक्रिय मेगाटेकले नेपालमै पहिलो पटक च्याचिस नम्बरसहितको विद्युतीय रिक्सा निर्माण गरेको छ । मेगाटेक प्रालिले सामुराई ब्रान्डका विद्युतीय रिक्सा शनिबार बजारमा ल्याएको हो ।

सामुराई प्लस, सुपर प्लस, सामुराई भेजी ओपन, सामुराई भेजी क्लोज, सामुराई फुडिज र सामुराई पावर लोडर नाम दिइएका मोडलको बिक्री थालिएको मेगाटेकका प्रबन्ध निर्देशक सुजन थापाले बताए । 

सामुराई प्लस र सुपर प्लस भने यात्रुवाहक विद्युतीय रिक्सा हुन् । अरू मोडललाई दैनिक रूपमा तरकारी बेच्न, बेकरी क्याफेका रूपमा प्रयोग गर्न, फास्टफुड बिक्रीका लागि उपयोगी बनाइएको कम्पनीका बजार व्यवस्थापक विकास उप्रेतीले जानकारी दिए । चिया, नास्ता पसल, तरकारी पसल सञ्चालन गर्ने गरी तयार पारिएको रिक्साले स्वरोजगारीका लागि उपयोगी भएको उनको भनाइ थियो ।