धनगढी — सेती प्रादेशिक अस्पतालमा पछिल्लो २४ घण्टामा थप २ जनाको मृत्यु भएको छ ।
अस्पतालका सूचना अधिकारी दिलीप श्रेष्ठद्वारा आइतबार दिउँसो सार्वजनिक विवरणमा उल्लेख भए अनुसार मृतकहरुमा कैलालीको घोडाघोडी– १ का ७९ वर्षीय पुरुष र कञ्चनपुरको बेलौरी–९ की ७६ वर्षीया महिला रहेका छन् ।
यसैगरी, पछिल्लो २४ घण्टामा अस्पतालको पीसीआर प्रयोगशालामा ३ सय ३५ जनाको परीक्षणमा ३५ जनामा कोरोना पुष्टि भएको छ ।
