काठमाडौं र भैरहवाको खेल रद्द

वर्षा र मैदान भिजेका कारण रद्द भएको यो पाँचौं खेल हो । यसमध्येका तीन खेल टस नै नभई रद्द भएका थिए । यसअघि रद्द भएका खेल पुनर्तालिका गरे पनि यो खेललाई पुन खेलाइने हो वा होइन भन्ने बारे आयोजकले केही जनाइसकेको छैन ।

भैरहवाले पोखराविरुद्धको खेलमा ६५ रनमा ७ विकेट लिइसकेको अवस्थामा वर्षाले थप खेल हुन दिएको थिएन । भैरहवाको ललितपुर प्याट्रियट्ससँगको खेल ‘टाई’ भएको थियो ।

काठमाडौं किंग्सको यसअघि नै भैरहवा र पोखरा राइनोजसँगको खेल रद्द भए पनि पुनर्तालिकामा राखिएको थियो ।