काठमाडौं र भैरहवाको खेल रद्द
काठमाडौँ — बजाज पल्सर एभरेष्ट प्रिमियर लिग (ईपीएल) क्रिकेट अन्तर्गत शनिबार काठमाडौं किंग्स ११ र भैरहवा ग्लाडियटर्स बीचको खेल रद्द भएको छ । सामन्य वर्षापछि मैदान भिजेका कारण खेल हुन नसकेको हो ।
वर्षा र मैदान भिजेका कारण रद्द भएको यो पाँचौं खेल हो । यसमध्येका तीन खेल टस नै नभई रद्द भएका थिए । यसअघि रद्द भएका खेल पुनर्तालिका गरे पनि यो खेललाई पुन खेलाइने हो वा होइन भन्ने बारे आयोजकले केही जनाइसकेको छैन ।
भैरहवाले पोखराविरुद्धको खेलमा ६५ रनमा ७ विकेट लिइसकेको अवस्थामा वर्षाले थप खेल हुन दिएको थिएन । भैरहवाको ललितपुर प्याट्रियट्ससँगको खेल ‘टाई’ भएको थियो ।
काठमाडौं किंग्सको यसअघि नै भैरहवा र पोखरा राइनोजसँगको खेल रद्द भए पनि पुनर्तालिकामा राखिएको थियो ।
प्रकाशित : आश्विन १६, २०७८ १२:४०प्रतिक्रिया