ईपीएल : पोखराद्वारा चितवनलाई सामान्य लक्ष्य- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

ईपीएल : पोखराद्वारा चितवनलाई सामान्य लक्ष्य

विनोद पाण्डे

काठमाडौँ — पोखरा राइनोजले बजाज पल्सर एभरेष्ट प्रिमियर लिग (ईपीएल) क्रिकेटमा शुक्रबार चितवन टाइगर्सलाई सामान्य लक्ष्य दिएको छ । टस जितेर ब्याटिङ रोजेको पोखराले ७ विकेट गुमाई १ सय २३ रनमात्र बनाउन सक्यो । 

पोखरालाई चितवनले सुरुआतदेखि नै दबाबमा राखेको थियो । रित गौतम २, सुनिल धमला शून्य, कप्तान विनोद भण्डारी ५, रिचर्ड लेभी २० र लोकेश बम ८ रनमा आउट भएपछि पोखरा नवौं ओभरमा ४२–५ को स्थितिमा पुगेको थियो ।

असेला गुनारत्ने र विवेक यादवले छैटौं विकेटमा ५६ रनको साझेदारी गरेपछि मात्र पोखराको स्कोर हेर्न लायक बनेको थियो । गुनारत्नेले २६ बलमा १ चौकासहित २५ रन बनाए । विवेकले अविजित ५३ रन बनाए । उनले ४५ बल खेली ३ चौका र ३ छक्का प्रहार गरे । विक्रम सोब शुन्यमा आउट भए भने केसरिक विलियम्स २ रनमा अविजित रहे ।

साहव आलमले ४ ओभरमा १७ रनमात्र खर्चेर २ विकेट लिए भने कमलसिंह ऐरीले २ विकेट लिन ४ ओभरमा ४० रन खर्चे । कप्तान सोमपाल कामीले ४ ओभरमा १ मेडन राख्दै १२ रन खर्चेर १ विकेट लिए ।

पहिलो दुवै खेल जितेको चितवनले यसमा सफलता हात पारेमा प्लेअफमा स्थान पक्का गर्ने पहिलो टोली बन्ने छ । पोखराले पहिलो २ खेलमा ३ अंक जोडेको छ ।

प्रकाशित : आश्विन १५, २०७८ १५:४४
प्रतिक्रिया
पठाउनुहोस्

एमाले-माओवादी एकीकरण ऐतिहासिक परिघटना थियो : ओली

कान्तिपुर संवाददाता

काठमाडौँ — नेकपा (एमाले)का अध्यक्ष केपी शर्मा ओलीले २०७५ जेठ ३ गते भएको माओवादी केन्द्रसँग भएको एकीकरण नेपाली कम्युनिस्ट पार्टीका लागि ऐतिहासिक भएको बताएका छन् । 

पहिलो विधान महाधिवेशनमा शुक्रबार राजनीतिक प्रतिवेदन प्रस्तुत गर्दै ओलीले भने, 'एमाले-माओवादी एकीकरण नेपाली कम्युनिस्ट आन्दोलनका लागि ऐतिहासिक परिघटना थियो ।' ओलीले संसद्को प्रतिकूलताका कारण आफू नेतृत्वको सरकार कमजोर भएको पनि बताए ।

आफ्नो नेतृत्वमा २०७४ सालमा सरकार गठन भएसँगै पुष्पकमल दाहाल र माधवकुमार नेपालले कमजोर बनाउने काम गरेको उनले भने । एकतालाई असन्तुलित बनाउन नेपाल लगायतका नेताहरू दाहालसँग लागेको पनि ओलीले राजनीतिक प्रतिवेदनमा उल्लेख गरेका छन् ।

पार्टी भित्रैबाट सरकारलाई कमजोर बनाउने, सरकारका कामको प्रशंसा नगर्ने, उद्योगीलाई हतोत्साहित गर्ने र विदेशसँगको सम्बन्ध कमजोर बनाउने खेल भएको ‌ओलीको भनाइ छ । दाहालले पार्टीको कार्यकारी अध्यक्षको जिम्मेवारी प्राप्त गरेपछि आफ्नो निवासलाई 'हेडक्वाटर' बनाएको पनि ओलीले आफ्नो प्रतिवेदनमा उल्लेख गरेका छन् । त्यसपहिले पनि दाहालले कांग्रेससँग मिलेर सरकार बनाएको र एमालेलाई सत्ता बाहिर राखेको भन्दै राजनीतिक प्रतिवेदनमा असन्तुष्टि व्यक्त गरेका छन् ।

प्रकाशित : आश्विन १५, २०७८ १५:०७
पूरा पढ्नुहोस्
प्रतिक्रिया
पठाउनुहोस्
×