एनबीए टोली न्युयोर्क निक्सका मालिकलाई कोरोना संक्रमण
काठमाडौँ — अमेरिकी बास्केटबल टिम न्युयोर्क निक्सका मालिक जेम्स डोलानलाई कोरोना भाइरसको संक्रमण भएको छ । आइतबार न्युयोर्क निक्स पीआरको ट्विटर ह्यान्डलमाफर्त डोलानलाई कोरोना संक्रमण भएको आधिकारिक जानकारी दिइएको हो ।
उनलाई सामान्य समस्या मात्रै देखिएको र सेल्फ आइसोलेसनमा बसेको पनि ट्वीटमा उल्लेख छ । उनी नेसनल हकी लिग(एनएचएल) अन्तर्गतको टिम न्युयोर्क रेञ्जर्सका समेत मालिक हुन् । त्यस्तै उनी म्याडिसन स्क्वायर गार्डेन कम्पनीका सीईओ र एमएसजी नेटवर्कका कार्यकारी अध्यक्षसमेत हुन् ।
यसअघि केभिन डुरान्ट, मार्कस स्मार्टलगायत एनबीए खेलाडीहरुमा पनि कोरोना भाइरसको संक्रमण देखिएको थियो ।The Madison Square Garden Company Executive Chairman and Chief Executive Officer Jim Dolan has tested positive for coronavirus. He has been in self-isolation and is experiencing little to no symptoms. He continues to oversee business operations.
— NY_KnicksPR (@NY_KnicksPR) March 29, 2020
अमेरिकामा आइतबार दिउँसोसम्म कोरोना भाइरसको संक्रमणबाट मृत्यु हुनेको संख्या २ हजार २ सय २९ पुगेको छ । त्यस्तै एक लाख २३ हजारभन्दा बढी संक्रमित भएका छन् ।
प्रकाशित : चैत्र १६, २०७६ १४:०९
