काठमाडौँ — एमालेको ११औं महाधिवेशनबाट केपी शर्मा ओली तेस्रो कार्यकालका लागि अध्यक्षमा निर्वाचित भएका छन् ।

ओली १ हजार ९९ मतले विजयी भएका हुन् । उनले १ हजार ६ सय ६३ मत ल्याए भने उनका प्रतिस्पर्धी ईश्वर पोखरेलले ५ सय ६४ मत प्राप्त गरे ।  

पूर्वमहासचिवसमेत रहेका पोखरेल अध्यक्षमा पहिलो पटक प्रतिस्पर्धामा उत्रिएका हुन् । यसअघि ओली काठमाडौंमा २०७१ मा सम्पन्न नवौँ महाधिवेशनमा पहिलोपल्ट अध्यक्षमा निर्वाचित भएका थिए । त्यसपछि २०७८ मा सौराहा महाधिवेशनबाट उनी दोस्रो पटक अध्यक्ष चुनिए । २०६५ मा बुटवलमा आयोजित आठौं महाधिवेशनमा भने ओली झलनाथ खनालसँग पराजित भएका थिए ।

निर्वाचनमा २ हजार २ सय २७ मत खसेको थियो । ११औं महाधिवेशन केन्द्रीय निर्वाचन आयोगका अनुसार ३६ जना महाधिवेशन प्रतिनिधि मतदानमा अनुपस्थित भएका थिए । 

पदाधिकारीको अधिकांश पदमा ओली पक्षका उम्मेदवार विजयी भएका छन् ।

१९ पदाधिकारीमा प्रतिस्पर्धीको मत

अध्यक्ष (१)

• केपी शर्मा ओली : १६६३ (विजयी)
• ईश्वर पोखरेल : ५६४ (पराजित)

उपाध्यक्ष (५)

• पृथ्वीसुब्बा गुरुङ : १७३७ (विजयी)
• विष्णुप्रसाद पौडेल : १६७५ (विजयी)
• रामबहादुर थापा बादल : १५१६ (विजयी)
• गोकर्णराज विष्ट : १३६८ (विजयी)
• रघुजी पन्त : १२५८(विजयी)
• गुरुप्रसाद बराल : ११३७ (पराजित)
• बिन्दा पाण्डे : ९२१ (पराजित)
• परशुराममेघी गुरुङ : ४६१ (पराजित)
• अरुण नेपाल : ४३९ (पराजित)
• टकंप्रसाद कार्की  : ३५८ (पराजित)
• भीमप्रसाद आचार्य : २६५ (पराजित)

महासचिव (१)