काठमाडौँ — केही दिनयता परेको अविरल वर्षाका कारण आएको बाढी पहिरोले देशभर सडक र पूलमा २ अर्ब ५२ करोड रुपैयाँको क्षति भएको छ ।
सडक विभागले उपलब्ध गराएको प्रारम्भिक विवरण अनुसार सडकमा मात्र १ अर्ब ५० करोड रुपैयाँको क्षति भएको छ ।
पुलमा भने १ अर्ब २ करोड रुपैयाँ क्षति भएको हो । यो निर्माणमा लाग्ने खर्च सहितको क्षतिको विवरण भएको सडक विभागका महानिर्देशक रामहरी पोखरेलले बताए ।
विभागका अनुसार १४ राजमार्गको ४२ स्थानमा अहिले यातायात ठप्प छ । त्यस्तै, दुईवटा बेलिब्रिज सहित ५ वटा पुलमा बाढीले क्षति पुर्याएको छ । क्षतिको विवरण आउने क्रम अझै भइरहेकाले थप हुनसक्ने महानिर्देशक पोखरेलले बताए ।
