२२.१२°C काठमाडौं
काठमाडौँ — सुन तस्करी प्रकरणमा पक्राउ परेका पूर्वउपराष्ट्रपति नन्दबहादुर पुनका सल्लाहकार जीवनकुमार गुरुङ १५ लाख धरौटीमा छुटेका छन् ।
जिल्ला अदालत काठमाडौंका न्यायाधीश माधवप्रसाद अधिकारीको इजलासले गुरुङलाई १५ लाख धरौटीमा छोड्न आदेश दिएको हो ।
सुन तस्करी प्रकरणमा पक्राउ परेका गुरुङविरुद्ध अदालतमा मुद्दा दायर भइसकेको थियो । फागुन १४ मा पक्राउ परेका गुरुङ १५ लाख धरौटीमा छुटेको जिल्ला अदालतका सूचना अधिकारी चन्द्रप्रसाद पन्थीले जानकारी दिए।
नन्दबहादुर पुन उपराष्ट्रपति हुँदा गुरुङ वैदेशिक मामिला सल्लाहकार थिए । उनी सुन तस्करीमा संलग्न रहेको आरोपमा पक्राउ परेका थिए ।
प्रकाशित : चैत्र ५, २०८० १७:४३
