बुटवल — सुन तस्करी प्रकरणका जोडिएका माओवादी उपाध्यक्ष कृष्णबहादुर महरा कपिलवस्तुबाट पक्राउ परेका छन् । काठमाडौंबाट रोल्पा जानका लागि भैरहवा विमानस्थल हुँदै आएका महरालाई रूपन्देही प्रहरीले पक्राउ गरेको हो ।
रूपन्देही प्रहरी प्रवक्ता प्रहरी नायब उपरीक्षक मनोहर भट्टले भने प्रहरीको निगरानीपछि महरा आफैंले काठमाडौं फर्किने चाहना गरेपछि विमानबाटै काठमाडौं पठाइएको बताए ।
उनलाई सुन तस्करीसम्बन्धी जाँचबुझका लागि बनेको उच्चस्तरीय आयोगले कारबाही गर्न सिफारिस गरेको थियो । त्यसलगत्तै उनी प्रहरीको उच्च निगरानीमा रहेका थिए । नेकपा माओवादी केन्द्रका लुम्बिनी प्रदेश अध्यक्ष सुदर्शन बरालले पनि महरा पक्राउ परेको बताए । ‘प्रहरीले नै पक्राउ गरेर काठमाडौं पठाइएको जानकारी दिएको छ,’ उनले भने, ‘महराजी रोल्पा जानका लागि आज बिहान काठमाडौंबाट आउनु भएको थियो ।’
सम्बन्धित समाचार
