कांग्रेस महासमिति बैठक : प्रतिवेदनमाथि सुझाव दिन प्रत्येक सदस्यलाई पाँच मिनेट

आफ्ना सुझाव तथा धारणा राख्न एक सहभागीलाई पाँच मिनेटको समय दिइएको छ । सम्मेलन केन्द्रको मुख्य हल गोदावरी हलमा कोसी र सुदुरपश्चिम प्रदेश, कोन्ज्योसोम हलमा लुम्बिनी प्रदेश, भातृ तथा शुभेच्छुक संस्था र जनसम्पर्क समितिहरू, फूलचोकी हलमा बागमती र गण्डकी प्रदेश र विशंखुनारायण हलमा मधेश र कर्णाली प्रदेशको समूहगत छलफल भइरहेको छ ।

कांग्रेसको महासमिति बैठक फागुन १० गते बिहीबारसम्म चल्ने कार्यतालिका रहेको छ ।

समूहगत छलफलमा बुधबार सबै सहभागीहरूले धारणा राख्ने व्यवस्था मिलाइएको प्रचार-प्रसार उपसमिति संयोजक मीन विश्वकर्माले जानकारी गराए । ‘हामीले महासमिति बैठकमा सहभागी सबै सदस्यहरूको धारणा लिन आवश्यक समयको व्यवस्थापन गरेका छौं । सबै सदस्यहरूले आफ्ना धारणा तथा सुझाव राख्न पाउनु हुनेछ,’ उनले भने ।