मुस्ताङको लो-घेकर दामोदरकुण्ड गाउँपालिकामा एमालेको आग्रता- समाचार - कान्तिपुर समाचार

मुस्ताङको लो-घेकर दामोदरकुण्ड गाउँपालिकामा एमालेको आग्रता

घनश्याम खड्का

म्याग्दी — मुस्ताङको लो-घेकर दामोदरकुण्ड गाउँपालिका-१को मतपरिणाम सार्वजनिक भएको छ । घोषित मत परिणाम अनुसार पालिका अध्यक्षमा एमालेका लोप्साङ छोम्फेल विष्टले १ सय ८१ मतसहित अग्रता लिएका छन् ।

अध्यक्षमा नेकपा एसका देवबहादुर गुरङले ९३ मत पाएको निर्वाचन अधिकृत नेपालहरी रानाभाटले जानकारी गराए ।

त्यसैगरी उपाध्यक्षमा पनि एमालेकी छिरिङ ह्लामो गुरूङले १ सय ५८ मतसहित अग्रता लिएकी छन् । उपाध्यक्षमा कांग्रेसकी लक्ष्मी गुरूङले १ सय ६ मतले पछ्याएका छन् ।

लो-घेकर दामोदर कुण्ड गाउँपालिका-१ मा वडाध्यक्षमा एमालेका टसीढिण्डु ठकुरी, ३ नम्बर वडाध्यक्षमा एमालेकै झियान तिजिन गुरुङ र ४ नम्बर वडाध्यक्षमा एमालेकै झियानछुसाङ गुरुङ निर्विरोध निर्वाचित भएका थिए ।

प्रकाशित : वैशाख ३१, २०७९ ००:३३
प्रतिक्रिया
पठाउनुहोस्

काठमाडौं महानगरपालिकाको मतगणनाका लागि सर्वदलीय बैठक सुरु

कान्तिपुर संवाददाता

काठमाडौँ — काठमाडौं महानगरपालिका मतगणना सुरु गर्नका लागि राजनीतिक दल तथा स्वतन्त्र उम्मेदवारहरुको बैठक सुरु भएको छ । प्रदर्शनी मार्गस्थित राष्ट्रियसभा गृहमा रहेको काठमाडौं मुख्य निर्वाचन अधिकृतको कार्यालयमा बैठक सुरु भएको हो ।

महानगरपालिकाको ३ सय ६३ मतदान केन्द्रबाट मतपेटिका संकलन र भण्डारण कार्य समाप्त भएसँगै बैठक सुरु भएको हो । सो बैठकमा मतगणना सुरु हुने विषयमा निर्वाचन कार्यालयले उम्मेदवार तथा उनीहरुको प्रतिनिधिहरुसँग छलफल र अन्तक्रिया गर्ने छ । मुख्य निर्वाचन अधिकृत राजकुमार खतिवडाले बैठकपछि मात्रै काठमाडौं महानगरपालिकाको मतगणना सुरु हुने बताएका थिए ।

३ लाख २ सय ४२ मतदाता रहेको काठमाडौं महानगरपालिकामा ६४ प्रतिशत मत खसेको छ।

प्रकाशित : वैशाख ३१, २०७९ ००:२४
पूरा पढ्नुहोस्
प्रतिक्रिया
पठाउनुहोस्
थप केही समाचारबाट
×