अध्यक्ष दाहालको प्रतिवेदनमाथि छलफलको निष्कर्ष र सुझाव प्रस्तुत गर्ने क्रम जारी- समाचार - कान्तिपुर समाचार
कान्तिपुर वेबसाईट
AdvertisementAdvertisement

अध्यक्ष दाहालको प्रतिवेदनमाथि छलफलको निष्कर्ष र सुझाव प्रस्तुत गर्ने क्रम जारी

कान्तिपुर संवाददाता

काठमाडौँ — मा‌ओवादीको ८औं राष्ट्रिय महाधिवेशनको पाँचौ दिन बन्दसत्रमा अध्यक्ष पुष्पकमल दाहालको राजनीतिक प्रतिवेदनमाथि समूहगत छलफलको निष्कर्ष र सुझाव प्रस्तुत गर्ने क्रम जारी रहेको छ । 

बन्दसत्रको चौथो दिन १४ समूहले दाहालको प्रतिवेदनमाथि सुझाव पेस गर्ने कार्यक्रम जारी रहेको छ । बिहान ११ बजेदेखि बन्दसत्रको कार्यक्रम जारी रहेको छ ।

समूहगत छलफलमा विधान संशोधनको प्रस्वावमाथि पनि प्रश्न र सुझाव आएका छन् ।समूहरुको निष्कर्ष सुनिसकेपछि दाहालले राजनीतिक प्रतिवेदनमाथि उठेका प्रश्नको र देवप्रसाद गुरुङले विधान संशोधन प्रस्तावमाथि उठेका प्रश्नको जवाफ दिने कार्यक्रम रहको छ ।

दाहाल र गुरुङले जवाफ दिइसकेपछि बिहीबार नै केन्द्रीय कमिटी निर्वाचन कार्यतालिका सार्वजनिक गरिने तयारी रहेको निर्वाचन आयोगले जानकारी दिएको छ ।

निर्वाचन आयोगले मतदाता नामावली तयार पारेर राखेको र दुवै प्रतिवेदनमाथि जवाफ दिने क्रम सकिएपछि सार्वजनिक गरिने बताइएको छ ।

प्रकाशित : पुस १५, २०७८ १३:०१
प्रतिक्रिया
पठाउनुहोस्

स्वदेश फर्कियो भलिबल च्याम्पियन टिम

तस्बिर : हेमन्त श्रेष्ठ

काठमाडौँ — बंगलादेशमा एसियन सेन्ट्रल जोन सिनियर वुमेन्स भलिबल च्यालेन्ज कपको उपाधि चुमेको नेपाली टिम बिहीबार स्वदेश फर्किएको छ । उनीहरुलाई युवा तथा खेलकुदमन्त्री महेश्वरजंग गहतराज, समर्थक र परिवारजनले त्रिभुवन विमानस्थलमा स्वागत गरेका छन् । अरुणा शाहीको कप्तानीमा रहेको नेपाली टिमले बंगलादेशको मीरपुरमा साहिद सुरवार्दी नेसनल इन्डोर स्टेडियममा मंगलबार सम्पन्न फाइनलमा उज्वेकिस्तानको कठिन चुनौती ३–२ ले पन्छाउँदै उपाधि रक्षा गरेको थियो ।

मन्त्रिपरिषद्को बुधबार भएको बैठकले एसियन सेन्ट्रल जोन सिनियर वुमेन्स भलिबल च्यालेन्ज कप विजेता नेपाली टिमका खेलाडीहरूलाई जनही ५ लाख रुपैयाँ पुरस्कार दिने निर्णय गरेको छ। बैठकले १२ खेलाडीलाई ५–५ लाखसँगै दुई जना प्रशिक्षकलाई जनही ३ लाख र एक जना अफिसियललाई २ लाख दिने निर्णय गरेको जनाइएको छ ।


प्रकाशित : पुस १५, २०७८ १२:५६
पूरा पढ्नुहोस्
प्रतिक्रिया
पठाउनुहोस्
×