१८ वर्षमाथिका व्यक्तिमा कोरोना खोप परीक्षण गर्न सरकारले दियो अनुमति - समाचार - कान्तिपुर समाचार

१८ वर्षमाथिका व्यक्तिमा कोरोना खोप परीक्षण गर्न सरकारले दियो अनुमति 

कान्तिपुर संवाददाता

काठमाडौँ — सरकारले नेपालमा १८ वर्षमाथिका व्यक्तिमा कोरोना खोप ट्रायल गर्न अनुमति दिएको छ । बुधबार बसेको मन्त्रिपरिषद्को बैठकले खोप परीक्षण (क्लिनिकल ट्रायल) का लागि अनुमति प्रदान गर्ने निर्णय गरेको नेपाल स्वास्थ्य अनुसन्धान परिषदका सदस्य सचिव डा. प्रदीप ज्ञवालीले बताए ।

परिषद्की अनुसन्धान अधिकृत नमिता घिमिरेले अमेरिकी कम्पनी सानोफी पास्टरको प्रायोजनमा इन्टरनेसनल भ्याक्सिन इन्स्टिच्युट कोरियासँग मिलेर खोपको परीक्षण गर्ने जानकारी गराइन् । बाँकेको कोहलपुरस्थित नेपालगञ्ज मेडिकल कलेज र धुलिखेल अस्पतालमा परीक्षण गरिने भएको हो । ४ हजार जनामा उक्त खोपको परीक्षण गरिने परिषद्ले जनाएको छ ।

यसअघि सरकारले भदौ १० गते चीनमा उत्पादन गरिएको एमआरएनए खोपलाई नेपालमा परीक्षण गर्न अनुमति दिएको थियो ।

सम्बन्धित समाचार

प्रकाशित : भाद्र १६, २०७८ २०:४५
प्रतिक्रिया
पठाउनुहोस्

चिनियाँ कम्युनिस्ट पार्टीको महाधिवेशन नोभेम्बरमा

एजेन्सी

बेइजिङ — चिनियाँ कम्युनिस्ट पार्टीको १९औँ महाधिवेशनअन्तर्गत केन्द्रीय कमिटीको छैटौँ प्रारम्भिक बैठक आगामी नोभेम्बरमा राजधानी बेइजिङमा हुने भएको छ ।

पार्टीको केन्द्रीय राजनीति विभागको मंगलबारको बैठकले छैटौँ प्रारम्भिक बैठक आगामी नोभेम्बरमा आयोजना गर्ने निर्णय गरेको हो । पार्टीका महासचिव सी चीनफिङले केन्द्रीय राजनीति विभागको बैठकको अध्यक्षता गरेका छन् ।

बैठकमा सार्वजनिक गरिएको कार्यसूचीअनुसार केन्द्रीय राजनीति विभागले छैटौँ प्रारम्भिक बैठकमा आफ्नो प्रतिवेदन प्रस्तुत गर्नेछ । बितेका सय वर्षमा पार्टीले हासिल गरेका प्रमुख उपलब्धिको समीक्षा प्रतिवेदनमा हुनेछ ।

प्रकाशित : भाद्र १६, २०७८ २०:३०
पूरा पढ्नुहोस्
प्रतिक्रिया
पठाउनुहोस्
×