संक्रमणको तेस्रो लहर आउन सक्छ, सजग रहौं : स्वास्थ्य मन्त्रालय- समाचार - कान्तिपुर समाचार

संक्रमणको तेस्रो लहर आउन सक्छ, सजग रहौं : स्वास्थ्य मन्त्रालय

रासस

काठमाडौँ — स्वास्थ्य तथा जनसंख्या मन्त्रालयले कोरोना भाइरस संक्रमण को तेस्रो लहर आउनसक्ने भएकाले सचेत रहन आग्रह गरेको छ । मन्त्रालयका सहप्रवक्ता डा. समिरकुमार अधिकारीले बिहीबार विज्ञप्ति जारी गर्दै निषेधाज्ञा खुकुलो भएसँगै संक्रमण दर बढ्दो देखिएकाले तेस्रो लहर आउनसक्ने बताएका हुन् ।

तेस्रो लहर आउनसक्ने भएकाले सबै स्वास्थ्य संघसंस्थालाई अक्सिजन, शय्यालगायत पूर्वाधार तयारी अवस्थामा राख्न अनुरोध गरिएको छ । मन्त्रालयबाट तेस्रो लहर आएर भयाभह स्थिति नआओस् भन्नका लागि सबै स्वास्थ्य संस्थालाई तयारी अवस्थामा राख्न अनुरोध गरिएको अधिकारीले बताए । 'सबै अस्पताललाई अक्सिजन भर्न र शय्या तयारी अवस्थामा राख्न निर्देशन दिएका छौं', उनले भने, 'तेस्रो लहरले बालबालिकालाई बढी प्रभाव पार्ने भएकाले बालबालिकाका लागि सघन उपचारकक्ष (आइसीयू) र भेन्टिलेटर तयारी अवस्थामा राख्न भनेका छौं ।'

नेपालमा गत चैत दोस्रो सातादेखि दोस्रो लहरको संक्रमण छ । नेपालमा अहिलेसम्म सात लाख २४ हजार ४५५ व्यक्तिमा संक्रमण पुष्टि भएको छ । यस्तै, ६ लाख ३६ हजार ४०२ व्यक्ति स्वास्थ्य लाभ गरी घर फर्किएका र नौ हजार ६३७ को संक्रमणबाट मृत्यु भइसकेको छ ।

प्रकाशित : श्रावण ७, २०७८ १५:४९
प्रतिक्रिया
पठाउनुहोस्

फाइजर र एस्ट्राजेनेकाको दुवै डोज डेल्टा भेरियन्टविरुद्ध प्रभावकारी

कान्तिपुर संवाददाता

काठमाडौँ — फाइजर र एस्ट्राजेनेकाको दुवै डोज लगाउँदा डेल्टा भेरियन्टविरुद्ध प्रभावकारी हुने पाइएको छ ।

बुधबार प्रकाशित भएको ‘न्यु इंग्ल्यान्ड जर्नल अफ मेडिसिन’ को एक अध्ययनले फाइजरको पहिलो डोज ३६ प्रतिशतसम्म प्रभावकारी रहेको र एस्ट्राजेनिकाको ३० प्रतिशत प्रभावकारी देखिएको सार्वजनिक गरेको हो ।

साथै फाइजरको दुवै डोजको खोपले लक्षणसहितको डेल्टा भेरियन्टबाट ८८ प्रतिशत र अल्फा भेरियन्टविरुद्ध ९३.७ प्रतिशत प्रभावकारी देखिएको छ ।

त्यसैगरी एस्ट्राजेनिकाको दुवै डोजको खोप डेल्टा भेरियन्टविरुद्ध ६७ प्रतिशत तथा अल्फा भेरियन्टविरुद्ध ७४.५ प्रतिशत प्रभावकारी पाइएको छ ।

प्रकाशित : श्रावण ७, २०७८ १४:४८
पूरा पढ्नुहोस्
प्रतिक्रिया
पठाउनुहोस्
×