सहकारीलाई प्राथमिकतामा राखेर खोप दिन्छौं : गृहमन्त्री खाँण- समाचार - कान्तिपुर समाचार
कान्तिपुर वेबसाईट
AdvertisementAdvertisement

सहकारीलाई प्राथमिकतामा राखेर खोप दिन्छौं : गृहमन्त्री खाँण

रासस

काठमाडौँ — गृहमन्त्री बालकृष्ण खाँणले बैंक तथा वित्तीय क्षेत्र जत्तिकै महत्व रहेको र किसानसम्म प्रत्यक्ष जोडिएको सहकारी क्षेत्रलाई सरकारले खोपमा प्राथमिकता दिने बताएका छन्  । राष्ट्रिय सहकारी महासंघको टोलीसँग सोमबारको भेटमा उनले सरकारले अहिले सबै जनताको स्वास्थ्यलाई महत्व दिएको बताउँदै संवेदनशीलताका आधारमा खोप दिने योजना रहेको बताए ।

राष्ट्रिय सहकारी महासंघको सल्लाहकारसमेत रहेका गृहमन्त्री खाँडले भने, “नेपालको अर्थतन्त्रमा सहकारीको महत्वलाई यस सरकारले बुझेको छ । सरकार सहकारीलाई महत्व दिएर अगाडि बढ्ने छ ।” सहकारीको विकास र विस्तारका विषयमा आवश्यक छलफल गरेर अगाडि बढ्ने उनले बताए ।

महासंघका अध्यक्ष मीनराज कँडेल र वरिष्ठ उपाध्यक्ष तथा अन्तर्राष्ट्रिय सहकारी महासंघका ग्लोबल बोर्ड सदस्य ओमदेवी मल्लले सहकारीका कर्मचारीले खोप नपाएका कारण जोखिम मोलेर सेवा दिनु परेको विषयलाई प्राथमिकता दिनुपर्ने विषयमा ध्यानाकर्षण गराएका थिए ।

प्रकाशित : श्रावण ५, २०७८ १६:५०
प्रतिक्रिया
पठाउनुहोस्

एमाले केन्द्रीय कमिटी बैठक जारी, यस्ता छन् कार्यसूची

कान्तिपुर संवाददाता

काठमाडौँ — एमाले केन्द्रीय कमिटीको दोस्रो बैठक पनि सुरु भएको छ । सोमबारको बैठकले प्रधानमन्त्री शेरबहादुर देउवालाई विश्वासको मत दिने पार्टीका २२ सांसदलाई स्पष्टीकरण सोध्ने निर्णय गरेको थियो ।

बैठकमा अध्यक्ष ओलीको सम्बोधन, विवाद समाधान गर्न गठित कार्यदलको १० बुँदे सहमति प्रस्तावको अनुमोदन, अनुशासनविपरीत काम गर्नेसँग स्पष्टीकरण, प्रदेशमा पार्टी अवस्था, सर्वोच्च अदालतको फैसलाबारे पार्टी दृष्टिकोण, ओली नेतृत्वको सरकारको समीक्षा र पार्टीको आगामी भूमिकालगायतका कार्यसूची छन् ।

पार्टीको आगामी भूमिकामा एमालेले पार्टी कमिटीहरुको अधिवेशन, शुद्धिकरण र निर्वाचन तयारीलाई राखेको छ । आइतबारको बैठकमा सम्बोधन गर्दै ओलीले वरिष्ठ नेता माधवकुमार नेपाल लालगद्दार भएको आरोप लगाएका थिए । उनले एमालेमा नेपाललाई कुनै ठाउँ नरहेको समेत घोषणा गरेका थिए । बैठक मंगलबार नै सक्ने योजना छ ।

प्रकाशित : श्रावण ५, २०७८ १६:३५
पूरा पढ्नुहोस्
प्रतिक्रिया
पठाउनुहोस्
×