काठमाडौँ — नेपालगन्जस्थित भेरी अस्पतालका पछिल्लो ३६ घण्टामा परीक्षण गरिएका २८८ नमुनामध्ये २३३ मा कोरोना पोजिटिभ देखिएको छ । अस्पतालका अनुसार १३९ जना पुरुष र ९४ जना महिलामा कोरोना पुष्टि भएको हो ।

त्यस्तै पछिल्लो समय पोजिटिभिटी रेट पनि बढिरहेको अस्पतालले जनाएको छ । पछिल्लो समय गरिएको परीक्षणको पोजिटिभिटी रेट ८०.९ % देखिएको छ । त्यस्तै संक्रमण पुष्टि भएकामध्ये बाँकेका २०८, बर्दियाका १३, कैलालीका २, दाङका २ र अन्य जिल्लाबाट ८ जना रहेका छन् । पालिकाअनुसार नेपालगन्ज उपमहानगरपालिकाबाट मात्र १८२ जनामा संक्रमण पुष्टि  भएको हो । उमेर समूहमा २० वर्षदेखि ५० वर्ष उमेर समूहका मात्र १७४ जना छन् जुन कुल संख्याको ७५% हुन आउँछ ।