काठमाडौँ — नेकपाको दाहाल–नेपाल समूहले स्थायी कमिटी बैठक बोलाएको छ । बुधबार दिउँसो २ बजे पार्टी कार्यालय कोटेश्वर पेरिसडाँडामा बैठक बोलाइएको स्थायी कमिटी सदस्य देवेन्द्र पौडेलले जानकारी दिए ।
यो समूहले बुधबार ४ बजे नै संसदीय दलको बैठक पनि बोलाएको छ । संसदीय दलको बैठकअघि स्थायी कमिटी बैठक बस्न लागेको हो । प्रतिनिधिसभा पुन:स्थापनापछि अगामी रणनीतिबारे छलफल गर्न बैठक बोलाइएको पौडेलले बताए ।
प्रधानमन्त्री केपी शर्मा ओली समूहको स्थायी कमिटी बैठक अहिले बालुवाटारमा जारी छ । सर्वोच्च अदालतले प्रतिनिधिसभा विघटन गर्ने सरकारको निर्णयलाई मंगलबार बदर गरेको थियो ।
