नेपालमा कोरोना संक्रमितको संख्या २ लाख नाघ्यो- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपालमा कोरोना संक्रमितको संख्या २ लाख नाघ्यो

कान्तिपुर संवाददाता

काठमाडौँ — नेपालमा कोरोना संक्रमितको संख्या २ लाख नाघेकाे छ । पछिल्लो २४ घन्टामा नेपालमा थप २५ सय ६९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार बुधबार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या २ लाख २३ सय २९ पुगेको छ । पछिल्लाे २४ घण्टामा १0 हजार ८१ पीसीआर परीक्षण भएका छन् भने हालसम्म पीसीआर विधिबाट १५ लाख ७४ हजार २ सय ९५ परीक्षण भएकाे मन्त्रालयले जनाएकाे छ ।

यसैगरी पछिल्लो २४ घन्टामा कोरोनामुक्त भएर १६ सय ६६ जना डिस्चार्ज भएका छन् । नेपालमा हालसम्म कोरोनामुक्त हुनेको संख्या १ लाख ६२ हजार २ सय ४३ जना पुगेको छ । देशभरि सक्रिय संक्रमितको संख्या ३८ हजार ९ सय १२ रहेकाे मन्त्रालयले जनाएकाे छ ।

त्यस्तै पछिल्लो २४ घन्टामा नेपालमा थप २६ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ११ सय ७४ पुगेको छ ।

प्रकाशित : कार्तिक २६, २०७७ १६:२८
प्रतिक्रिया
पठाउनुहोस्

सल्यानमा देउसीभैलो खेल्न रोक 

विप्लव महर्जन

सल्यान — कोरोना संक्रमणको जोखिम बढेको भन्दै जिल्ला प्रशासन कार्यालयले तिहारमा देउसीभैलो खेल्न रोक लगाएको छ ।

जिल्ला सुरक्षा समितिको बैठकले निर्णय गरेपछि प्रशासनले सार्वजनिक सूचना प्रकाशित गरी देउसीभैलो खेल्न रोक लगाएको हो । प्रशासनको निर्णय प्रहरीले गाउँगाउँमा माइकिङ गरी प्रवाह गरिरहेको छ ।

कोरोना संक्रमणका कारण जनजीवन प्रभावित भएपछि मेला, विभिन्न जमघट र देउसीभैलोमा रोक लगाइएको प्रमुख जिल्ला अधिकारी हेमराज तामाङले बताए । उनका अनुसार सार्वजनिक सूचनामार्फत अत्यावश्यक कामबाहेक बाहिर ननिस्किन स्थानीयलाई आग्रह गरिएको छ ।

‘तिहारमा देउसीभैलो नखेल्दा अपराधका घटनामा पनि कमी आउने हाम्रो अपेक्षा छ,’ उनले भने, ‘सतर्कताका साथ तिहार मनाउन जिल्लावासीलाई आग्रह गरेका छौं ।’

प्रकाशित : कार्तिक २६, २०७७ १६:०९
पूरा पढ्नुहोस्
प्रतिक्रिया
पठाउनुहोस्
×