पोखरामा कोरोनाबाट थप दुईको मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

पोखरामा कोरोनाबाट थप दुईको मृत्यु

दीपक परियार

पोखरा — पोखरामा बिहीबार थप दुई जना कोरोना संक्रमितको मृत्यु भएको छ । पर्वतको कुश्मा नगरपालिका–६ का कोरोना संक्रमित ५५ वर्षीय पुरुषको बिहीबार बिहान मृत्यु भएको हो ।

बुधबार कोरोना संक्रमण पुष्टि भएर चरक मेमोरियल अस्पतालको सघन उपचार कक्ष (आईसीयू) मा ती पुरुषको उपचारको क्रममा मृत्यु भएको हो । उनलाई कोरोनासँगै निमोनिया, हाइपरटेन्सन र श्वास विफलताको समेत समस्या रहेको अस्पतालले जनाएको छ ।

यसअघि बुधबार राति पोखरा–१३ कि कोरोना संक्रमित ३६ वर्षीया महिलाको मृत्यु भएको थियो । पोखरा स्वास्थ्य विज्ञान प्रतिष्ठान पश्चिमाञ्चलल क्षेत्रीय अस्पताल अन्तर्गत कोभिड–१९ उपचार केन्द्रमा उनको मृत्यु भएको हो ।

कात्तिक ५ गते संक्रमण पुष्टि भएकी उनी उपचारको लागि अस्पतालको आईसीयूमा भर्ना भएकी थिइन् । उनलाई कोभिड–१९ सँगै निमोनिया समेत रहेको अस्पताल प्रशासनले जनाएको छ ।

यससँगै गण्डकी प्रदेशमा कोरोना संक्रमणबाट मृत्यु हुनेको संख्या ७२ पुगेको छ ।

प्रकाशित : कार्तिक १३, २०७७ १४:३३
प्रतिक्रिया
पठाउनुहोस्

सल्यान प्रहरीद्वारा १० हजार ८० लिटर अवैध घरेलु मदिरा बरामद

विप्लव महर्जन

सल्यान — जिल्ला प्रहरी कार्यालय सल्यानले जिल्लाका १० स्थानीय तहबाट १० हजार ८० लिटर मदिरा तथा कच्चा पदार्थ बरामद गरेको छ । जनप्रतिनिधिको रोहबरमा ती मदिरा नष्ट गरिएको छ ।

मदिरा सेवनका कारण दसैंतिहारमा कुनै किसिमको अपराधिक गतिविधि हुन नदिन झन्डै दुई साताको अवधीमा प्रहरीले अवैध मदिरा बरामद गरेको हो ।

दुई हजार आठ सय ६० लिटर घरेलु मदिरा र मदिरा बनाउने सात हजार दुई सय २० लिटरको कच्चा पदार्थ बरामद गरेर नष्ट गरिएको डीएसपी गोविन्द थापाले बताए ।

चाडपर्वको समयमा मदिरा सेवन अत्यधिक गर्ने भएकाले कुनै घटना हुन नपाओस् भनेर मदिरा नियन्त्रण अभियान अन्तर्गत बरामद गरेर नष्ट गरिएको प्रहरीले जनाएको छ ।

प्रकाशित : कार्तिक १३, २०७७ १४:२६
पूरा पढ्नुहोस्
प्रतिक्रिया
पठाउनुहोस्
×