तनहुँमा एक कोरोना संक्रमितकाे मृत्यु
दमौली — तनहुँको शुक्लागण्डकी नगरपालिका निवासी एक पुरुषको साेमबार बिहान कोरोना संक्रमणबाट मृत्यु भएको छ । मृत्यु हुनेमा ५० वर्षीय पुरुष रहेको स्वास्थ्य निर्देशनालयले जनाएको छ ।
उनको पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको स्वास्थ्य निर्देशक डा. विनोदविन्दु शर्माले जानकारी दिए । ती पुरुषमा कात्तिक ८ गते कोरोना संक्रमण पुष्टि भएको थियो । ती पुरुषमा निमोनिया लगायतको समस्या थियो । योसँगै तनहुँमा कोरोना संक्रमणबाट मृत्यु हुनेको संख्या ११ पुगेको छ भने गण्डकी प्रदेशमा ६८ पुगेको छ ।
प्रतिक्रिया