कोरोनाबाट थप एक सैनिकको मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

कोरोनाबाट थप एक सैनिकको मृत्यु

कान्तिपुर संवाददाता

काठमाडौँ — कोरोना भाइरसको संक्रमणका कारण नेपाली सेनामा मृत्यु हुनेको संख्या दुई पुगेको छ । सेनाको जनसम्पर्क तथा सूचना निर्देशनालयका अनुसार असोज ९ गते वीरेन्द्र अस्पताल छाउनीमा उपचारको क्रममा एक सैनिक जवानको मृत्यु भएको हो ।

उनलाई असोज ६ गते छारे रोगको लक्षण देखिएपछि अस्पतालको आईसीयूमा उपचार गरिएको थियो । उपचारकै क्रममा उनको शुक्रबार मुत्यु भएको सेनाले जनाएको छ । उनको असोज ८ गते स्वाब परीक्षण गर्दा कोरोना भाइरस पोजिटिभ देखिएको हो ।

सेनामा हालसम्म २ हजार १९७ मा संक्रमण भएको, ५३९ जना निको भएको र एक हजार ६५६ जना संक्रमित रहेका छन् ।

सम्बन्धित समाचार :

प्रकाशित : आश्विन १०, २०७७ १३:३४
प्रतिक्रिया
पठाउनुहोस्

तिनाउले बगाउँदा एक महिलाको मृत्यु

७ गतेदेखि हराइरहेका तिलोत्तमाका एक युवकको शव तपाहा नहरमा फेला
सन्जु पौडेल

तिलोत्तमा — तिनाउ नदीमा आएको बाढीले बगाउँदा रुपन्देहीको बुटवलमा एक महिलाको ज्यान गएको छ ।

इलाका प्रहरी कार्यालय बुटवलका डीएसपी प्रतीतसिंह राठौरले दिएको जानकारीअनुसार शुक्रबार राति ९ बजे घरबाट हिँडेकी बुटवल उपमहानगरपालिका–१२ दुर्गानगरकी ४० वर्षीया विष्णु राईको शनिवार बिहान साढे सात बजे बुटवल १५, चंकीपुरमा दानव नदीमा शव फेला परेको हो ।

त्यस्तै गत असोज ७ गतेदेखि हराएका तिलोत्तमा–२ का २९ वर्षीय राजेन्द्र पौडेलको तिलोत्तमा २ स्थित तपाहा नहरमा शव फेला परेको डीएसपी राठौरले बताए । मोटरसाइकलबाट खसेर पानीमा डुबेको अवस्थामा हेल्मेटसहित शव भेटिएको उनले जनाए ।

प्रकाशित : आश्विन १०, २०७७ १३:३०
पूरा पढ्नुहोस्
प्रतिक्रिया
पठाउनुहोस्
×