गण्डक ब्यारेजका ३६ वटै ढोका खोलियो- समाचार - कान्तिपुर समाचार

गण्डक ब्यारेजका ३६ वटै ढोका खोलियो

नवीन पौडेल

नवलपरासी पश्‍चिम — लगातार परेको वर्षाका कारण नारायणी नदीमा पानीको बहाव उच्च भएपछि गण्डक ब्यारेजका सबै ढोका खोलिएको छ । ब्यारेजमा पानीको सतह खतराभन्दा माथि पुगेपछि नेपाल भारत सिमानामा रहेको ब्यारेजको सबै ढोका खोलिएको हो ।

नदीमा बुधबार साँझंबाट प्रतिसेकेन्ड तीन लाख १० हजार क्युसेक पानीको सतह पुगेपछि ब्यारेजका ३६ वटा ढोका खोलिएको गण्डक ब्यारेजका भूआर्जन अधिकारी तारा सिहंले बताए । बिहीबार बिहान ९ बजे ब्यारेजमा तीन लाख १० हजार क्युसेक प्रतिसेकेन्ड पानी प्रवाह भइरहेको छ । तीन लाख क्युसेक प्रतिसेकेन्ड पानीको प्रवाहलाई खतराको सूचक मानिने भएकाले सबै ढोका खोलिएको सिहंले बताए ।

निमार्णको समयमा गण्डक ब्यारेजको क्षमता ७ लाख क्युसेक प्रतिसेकेन्ड भए पनि अहिले यसले ४ देखि ५ लाख क्युसेक प्रतिसेकेन्ड मात्र भार बहन गर्न सक्ने अनुमान छ । नदीमा पानीको सतह बढेपछि गण्डक कमाण्डका स्थानीयलाई सजगता अपनाउन आग्रह जिल्ला प्रशासन कार्यालय पश्चिम नवलपरासीले आग्रह गरेको छ । अहिले नारायणी नदीमा ८ दशमलव ७ मिटर पानीको सतह छ । नारायणी नदीमा ८ मिटर पुगेपछि खतराको सूचक मानिन्छ ।

प्रकाशित : आश्विन ८, २०७७ १०:३६
प्रतिक्रिया
पठाउनुहोस्

पाल्पाको रम्भा गाउँपालिकामा पहिरो : एक जनाको मृत्यु, ५ जना अझै बेपत्ता

माधव अर्याल

पाल्पा — पाल्पाको रम्भा गाउँपालिका वडा नम्बर २ सुरुमडाँडामा पहिरोले घर पुरिँदा एक जनाको मृत्यु भएको छ ।

घटनास्थलमा रहेका जिल्ला प्रहरी कार्यालय पाल्पाका प्रमुख एसपी सन्तोषकुमार भट्टराईले वीरबहादुर गाहाकी २७ वर्षीया श्रीमती मोतिसरा गाहाको मृत्यु भएको जानकारी दिए । वीरबहादुर पहिरो खस्दाखस्दै भागेर ज्यान जोगाउन सफल भएका छन् ।

त्यस्तै रम्भा गाउँपालिका वडा नम्बर २ फोक्सिङकोटमा पहिरोमा परेर पाँच जना बेपत्ता भएका छन् । उनीहरुको उद्धार गर्ने प्रयास भइरहे पनि पानी परिरहेको र पहिरो खस्ने क्रम नरोकिएकाले समस्या भएको गाउँपालिका अध्यक्ष विष्णुप्रसाद भण्डारीले बताए ।

प्रकाशित : आश्विन ८, २०७७ १०:३०
पूरा पढ्नुहोस्
प्रतिक्रिया
पठाउनुहोस्
×