नेपालमा २४ घन्टामा हालसम्मकै उच्च कोरोना संक्रमित, २ हजार २० जनामा संक्रमण पुष्टि- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपालमा २४ घन्टामा हालसम्मकै उच्च कोरोना संक्रमित, २ हजार २० जनामा संक्रमण पुष्टि

कान्तिपुर संवाददाता

काठमाडौँ — नेपालमा हालसम्मकै उच्च कोरोना संक्रमित देखिएका छन् । पछिल्लो २४ घन्टामा थप २ हजार २० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयको नियमित प्रेस ब्रिफिङका क्रममा शुक्रबार प्रवक्ता डा जागेश्वर गौतमका अनुसार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या ६१ हजार ५ सय ९३ पुगेको छ ।

यसैगरी पछिल्लो २४ घन्टामा कोरोनामुक्त भएर ८ सय ७१ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ४३ हजार ८ सय २० जना पुगेको छ ।

त्यस्तै पछिल्लो २४ घन्टामा नेपालमा थप ७ जनाको कोरोना संक्रमणबाट मृत्यु भएको मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ३ सय ९० पुगेको छ ।

मन्त्रालयका अनुसार हालसम्म पीसीआर विधिबाट ८ लाख ९४ हजार ३७३ परीक्षणहरु गरिएका छन् । त्यसैगरी २४ घण्टामा जम्मा ११ हजार ४५८ पीसीआर परीक्षण भएका छन् ।

हालसम्म क्वारेन्टाइनमा रहनेको संख्या ७ हजार ७३७ जना रहेका छन् ।त्यसैगरी सकृय संक्रमितको संख्या १७ हजार ३८३ जना रहेको छ ।




स्रोत : स्वास्थ्य तथा जनसंख्या मन्त्रालय



प्रकाशित : आश्विन २, २०७७ १६:२६
प्रतिक्रिया
पठाउनुहोस्

धरानमा अनलाइन प्रणालीबाट राजस्व संकलन 

प्रदीप मेन्याङ्बो

सुनसरी — कोरोना भाइरस संक्रमणको जोखिम बढेपछि धरान उपमहानगरपालिकाले अनलाइन प्रणालीबाटै कर तथा राजस्व भुक्तानीको व्यवस्था गरेको छ । 

सेवाग्राहीलाई घरबाटै कर तथा राजस्व बुझाउने सुविधाका लागि शुक्रबारदेखि इ-पेमेन्ट सुरु गरिएको हो । धरानका अधिकांश सेवाग्राहीहरु हङकङ, सिंगापुर, बेलायत, ब्रुनाई, भारत, कोरिया, खाडी मुलुकलगायतमा छन् । उनीहरुका लागि पनि इपेमेन्ट सुविधा रहेको उपमहानगरपालिकाले जनाएको छ ।

कर तिर्नका लागि लामो लाइन लाग्नुपर्ने अवस्थाको पनि अन्त्य भएको र कोरोना संक्रमणको कारण उपस्थित हुन नचाहनेका लागि इपेमेन्ट प्रणालीले सहज बनाएको उपमहानगरपालिकाका प्रमुख तिलक राईले बताए । उनले भने, ‘यो एकप्रकारले अनलाइन भुक्तानी हो । धरानका सेवाग्राही, जनप्रतिनिधि र कर्मचारीलाई प्रविधिमैत्री बनाउने सिलसिलामा इपेमेन्ट प्रविधि लागू गरेका हौं ।’

विभिन्न खाले कर, राजश्व संकलनबाट उपमहानगरले आन्तरिक आयश्रोतको रुपमा बार्षिक २५ करोडमात्र आम्दानी गर्दै आएको छ । तर यो अनलाइन प्रणालीले उपमहानगरको आन्तरिक आयश्रोत बढ्ने अपेक्षा लिइएको छ ।

प्रकाशित : आश्विन २, २०७७ १५:५७
पूरा पढ्नुहोस्
प्रतिक्रिया
पठाउनुहोस्
×