२४ घन्टामा १५ सय ३९ संक्रमित, १ हजार ६८ जना डिस्चार्ज- समाचार - कान्तिपुर समाचार

२४ घन्टामा १५ सय ३९ संक्रमित, १ हजार ६८ जना डिस्चार्ज

कान्तिपुर संवाददाता

काठमाडौँ — नेपालमा थप १५ सय ३९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयमा बुधबार आयोजित पत्रकार सम्मेलनमा प्रवक्ता डा जागेश्वर गौतमले पछिल्लो २४ घन्टामा १५ सय ३९ जना संक्रमित थपिएको जानकारी दिए । 

हालसम्म संक्रमितको संख्या ५८ हजार ३ सय २७ पुगेको छ ।

२४ घन्टामा १ हजार ६८ जना डिस्चार्ज भएका छन् । अहिलेसम्म ४१ हजार ७ सय ६ जना कोरोना संक्रमण निको भएर घर फर्किएका प्रवक्ता गौतमले जनाए ।

२४ घन्टामा १० हजार ४ सय ९४ पीसीआर परीक्षण भएका छन् । ८ जनाको मृत्यु भएको छ ।

हालसम्म क्वारेन्टाइनमा रहनेको संख्या ७ हजार ८२० जना रहेका छन् । त्यसैगरी सक्रिय संक्रमितको संख्या १६ हजार २४२ जना रहेको छ ।

प्रकाशित : भाद्र ३१, २०७७ १६:२५
प्रतिक्रिया
पठाउनुहोस्

काभ्रेका एक कोरोना संक्रमितको काठमाडौंमा मृत्यु

नगेन्द्र अधिकारी

काभ्रे — जिल्लाका एक कोरोना संक्रमितको काठमाडौंमा उपचारको क्रममा मृत्यु भएको छ । २७ गते काठमाडौं मेडिकल कलेज भर्ना भएका पनौती नगरपालिका-३ का ४१ वर्षका ती व्यक्तिलाई कोरोना संक्रमणको आशंकामा २८ गते स्वाब संकलन गरिएको थियो ।

२९ गते कोरोना संक्रमण पुष्टि भएको र प्यान्कृयाजको समेत समस्या भएका उनको भदौ ३० गते मंगलबार साँझ मृत्यु भएको स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्रकुमार झाले जानकारी दिए ।

यसअघि जिल्लामा कोरोनाका कारण जिल्लामा ६ जनाको मृत्यु भइसकेको छ । ६ मध्ये ३ जना अन्य जिल्लाका संक्रमितको धुलिखेल अस्पतालमा मृत्यु भएको हो ।

प्रकाशित : भाद्र ३१, २०७७ १६:०९
पूरा पढ्नुहोस्
प्रतिक्रिया
पठाउनुहोस्
×