कपिलवस्तुका कोरोना संक्रमितको काठमाडौंमा मृत्यु
कपिलवस्तु — कपिलवस्तु नगरपालिका-६ बेलासपुरका २९ वर्षीय कोरोना संक्रमित पुरुषको काठमाडौंस्थित शिक्षण अस्पताल महाराजगन्जमा उपचारको क्रममा बिहीबार मृत्यु भएको छ ।
जिल्लाका कोरोना नियन्त्रण फोकल पर्सन कुमार थापाका अनुसार ती पुरुष मिर्गौला र उच्च रक्त चापका बिरामी थिए ।
भदौ १३ गते सिकिस्त बिरामी भएपछि ती पुरुषलाई थप उपचारका लागि काठमाडौं पठाइएको थियो । उपचारकै क्रममा भदौ २२ गते उनमा कोरानो संक्रमण पुष्टि भएको थापाले बताए ।
जिल्लामा कोरोना संक्रमणबाट मृत्यु हुने संख्या ६ पुगेको छ ।
प्रकाशित : भाद्र २५, २०७७ १७:३४प्रतिक्रिया
