कान्तिपुर वेबसाईट
AdvertisementAdvertisement

पूर्वी नाकामा खटिएका थप १२ जना सशस्त्र प्रहरीमा कोरोना संक्रमण

पर्वत पाेर्तेल

काँकडभिट्टा — पूर्वी नाकामा खटिएका थप  १२ जना सशस्त्र प्रहरीमा कोरोना संक्रमण देखिएको छ । योसँगै काँकडभिट्टा नाकामा मात्रै संक्रमित हुने सशस्त्र प्रहरीको संख्या ३५ पुगेको छ ।

यसअघि नाकाका २० सशस्त्र प्रहरी र तालिमका लागि इलामबाट आएका ३ सशस्त्रमा कोरोना संक्रमण पुष्टि भएको थियो । साउन ६ गते सीमामा खटिएका दुई सशस्त्र प्रहरीमा कोरोना देखिएको थियो । लगत्तै ‘कन्ट्याक्ट ट्रेसिङ’ गर्दा साउन ९ मा थप १८ जना सशस्त्र प्रहरीमा कोरोना संक्रमण पुष्टि भएको थियो । बिहीबार इलामबाट तालिमका लागि आएका थप तीन जना सशस्त्र प्रहरीमा कोरोना संक्रमण भएको हो ।

साउन ११ गते ३२ जना सशस्त्र प्रहरीको स्वाब संकलन गरिएको थियो । जसमा १२ जनामा संक्रमण देखिएको हो । ८५ जना स्थानीय व्यवसायी र सर्वसाधारणको स्वाब परीक्षण नतिजा भने नेगेटिभ देखिएको मेचीनगर स्वास्थ्य शाखाले जनाएको छ ।

प्रकाशित : श्रावण १६, २०७७ १४:१४
प्रतिक्रिया
पठाउनुहोस्

पाटन अस्पतालमा उपचाररत कोरोना संक्रमितको मृत्यु

कान्तिपुर संवाददाता

काठमाडौँ — पाटन अस्पतालमा उपचाररत ६५ वर्षीया महिलाको कोरोना संक्रमणका कारण मृत्यु भएको छ । अस्पतालका निर्देशक डा. विष्णु शर्माका अनुसार ती महिला साउन ६ गते भर्ना भएकी थिइन् । ती महिलामा उच्च रक्तचापको समस्या रहेकाे उनले जानकारी दिए । 

स्रोतका अनुसार वीरगन्जबाट काठमाडौं आएसँगै रुघाखाेकीलगायत समस्या देखिएपछि उनी जाँच गराउन स्टार अस्पताल गएकी थिइन् । आइसोलेसनमा राखेर उपचार गर्ने क्रममा नै सास फेर्न गाह्रो भएपछि उनलाई स्टार अस्पतालमै भेन्टिलेटरमा राख्नुपरेको थियो । आईसीयूमा राखेर उपचार भइरहेकै अवस्थामा कोरोना परीक्षण रिपोर्ट पनि पोजिटिभ आएपछि उनलाई पाटन अस्पतालको आईसीयूमा सारिएको थियो ।

स्रोतका अनुसार कन्ट्याक्ट ट्रेसिङका क्रममा उनका परिवारका सदस्यहरुको पीसीआर परीक्षण गर्दा अधिकांशको रिपोर्ट समेत पोजिटिभ आएको थियो ।

प्रकाशित : श्रावण १६, २०७७ १३:२५
पूरा पढ्नुहोस्
प्रतिक्रिया
पठाउनुहोस्
×