कान्तिपुर वेबसाईट
AdvertisementAdvertisement

तोकिएका अस्पतालबाहेकले कोरोना परीक्षणको शुल्क लिए कारबाही

कान्तिपुर संवाददाता

काठमाडौँ — स्वास्थ्य तथा जनसंख्या मन्त्रालयले तोकिएका अस्पतालबाहेकले कोरोना परीक्षणको शुल्क लिए कारबाही गर्ने चेतावनी दिएको छ । केही अस्पतालले स्थानीय तहसँग कोरोनाको पीसीआर परीक्षण शुल्क मागरेपछि स्वास्थ्य तथा जनसंख्या मन्त्रालयले ध्यानाकर्षण भएको जनाउँदै कारबाहीको चेतावनी दिएको हो ।

मन्त्रालयले बुधबार गरेको नियमित कोभिड १९ प्रेस ब्रिफिङमा प्रवक्ता डा. जागेश्वर गौतमले कोरोनाको पीसीआर परीक्षणको सरकारको खर्चमा भइरहेको बताउँदै यदि कुनै पनि निकायले शुल्क लिइएको पाइए नियमानुसार कारबाही गरिने बतााए ।

केही दिन अघि राप्ती स्वास्थ्य विज्ञान प्रतिष्ठानले कोरोनाका कारण आम्दानी न्युन र खर्च बढी भएको भन्दै परीक्षण गरेबापत सरकारले तोकेको ५ हजार ५०० रुपैयाँका दरले रकम शोध भर्ना गर्न स्थानीय निकायलाई पत्र पठाएको थियो ।

प्रकाशित : असार २४, २०७७ १७:०८
प्रतिक्रिया
पठाउनुहोस्

गिरीलाई सांसद पदबाट निष्कासन गर्न समाजवादीको पत्र संसद्‌मा

आफूमाथि पार्टीको विधानविपरीत कारबाही गर्न लागिएको गिरीको गुनासो
कान्तिपुर संवाददाता

काठमाडौँ — समाजवादी पार्टीले आफ्ना सांसद सरिता गिरीलाई पदबाट निष्कासन गर्न भन्दै संसद् सचिवालयमा बुधबार पत्र पुर्‍याएको छ । मंगलबार बसेको पदाधिकारी बैठकले पार्टी निर्देशन र संसदीय दलको ह्‍वीप उल्लंघन गरेको भन्दै गिरीलाई पार्टी सदस्य र सांसद पदबाट हटाउने निर्णय गरेको थियो । 

गिरीलाई सांसदबाट निष्कासन गर्ने पत्र लिएर समाजवादी पार्टी संसदीय दलका प्रमुख सचेतक उमाशंकर अरगरिया र सहअध्यक्ष राजेन्द्र श्रेष्ठ संसद् सिंहदरबारस्थित सचिवालय पुगेका थिए । पत्र संसद् सचिवालयका महासचिव भरतराज गौतमले बुझेका छन् ।

सभामुख अग्‍नि सापकोटाले गिरीलाई सांसदबाट निलम्बन गरेपछि त्यसको जानकारी निर्वाचन आयोगलाई दिइने छ ।

पत्र बुझाएको जानकारीपछि गिरीले सभामुखको सचिवालय र संसद् सचिवालयला फोन गरेर आफूमाथि पार्टीको विधानविपरीत कारबाही गर्न लागिएको भन्ने गुनासो गरेकी छन् । तर समाजवादी पार्टीले भने केन्द्रीय कार्यकारिणी समितिले समाजवादी पार्टीको अन्तरिम विधान २०७६ अनुसार केन्द्रीय समितिको सबै अधिकार प्रयोग गर्ने व्यवस्थाबमोजिम कारबाहीको निर्णय लिएको जनाएको छ । समाजवादीका एक शीर्ष नेताले पार्टी संसदीय ह्वीप नमानेपछि कारबाहीको निर्णय गरेको बताएका छन् । गिरीको तर्कमा कुनै सत्यता नभएको प्रतिक्रिया दिएका छन् ।

ती नेता भने, 'उहाँलाई सांसद पनि कार्यकारिणी समितिले बनाएको हो । अहिले कारबाही गर्दा पनि त्यहीबाट भइरहेको छ । सांसद बनाउँदा किन केन्दीय समितिको बैठक खोज्‍नुभएन ।'

प्रकाशित : असार २४, २०७७ १७:०६
पूरा पढ्नुहोस्
प्रतिक्रिया
पठाउनुहोस्
×