थप ४७६ जनामा कोरोना संक्रमण, संक्रमितको संख्या १३ हजार नाघ्यो- समाचार - कान्तिपुर समाचार
कान्तिपुर वेबसाईट
AdvertisementAdvertisement

थप ४७६ जनामा कोरोना संक्रमण, संक्रमितको संख्या १३ हजार नाघ्यो

कान्तिपुर संवाददाता

काठमाडौँ — सोमबार थप ४ सय ७६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । 

मन्त्रालयले आयोजना गरेको नियमित मिडिया ब्रिफिङमा प्रवक्ता डा. जागेश्वर गौतमले नयाँ संक्रमितसँगै नेपालमा कूल संक्रमितको संख्या १३ हजार २४८ पुगेको बताएका छन् ।

प्रकाशित : असार १५, २०७७ १६:२९
प्रतिक्रिया
पठाउनुहोस्

दुर्घटनामा बाबुछोराको मृत्यु

सन्जु पौडेल

तिलोत्तमा — रुपन्देहीको सैनामैनामा सोमबार दिउँसो सवारी दुर्घटना हुँदा दुई जनाको मृत्यु भएको छ । पश्चिमबाट बुटवलतर्फ आउँदै गरेको लु २ च ८५२९ नम्बरको कार र विपरीत दिशाबाट जाँदै गरेको लु ५२ प ६२२९ नम्बरको मोटरसाइकल सैनामैना वडा ८ शान्तिटोलमा आपसमा ठोक्किएको हो ।

दुर्घटनामा मोटरसाइकलमा सवार सैनामैना वडा १, बनकट्टाका ३० वर्षीय सन्तोष परियार र उनका बुबा ५० वर्षीय टेकबहादुरको उपचारको क्रममा लुम्बिनी प्रादेशिक अस्पतालमा मृत्यु भएको इलाका प्रहरी कार्यालय बुटवलका प्रहरी नायव उपरीक्षक प्रतितसिंह राठोरले बताए । सन्तोष जिल्ला प्रहरी कार्यालय कपिलवस्तुमा कार्यरत प्रहरी जवान रहेका थिए ।

कार र चालक इलाका प्रहरी कार्यालय सालझण्डीले नियन्त्रणमा लिइएको छ । घटनासम्बन्धी थप अनुसन्धान भइरहेको प्रहरीले जनाएको छ ।

प्रकाशित : असार १५, २०७७ १६:१७
पूरा पढ्नुहोस्
प्रतिक्रिया
पठाउनुहोस्
×