अर्थमन्त्रीले संसदमा दोहोर्‍याए- विद्युतीय सवारी साधनमा कर छुट हुँदैन

विद्युतीय सवारी साधनमध्ये सार्वजनिक यातायातको सवारी साधनमा १ प्रतिशत भन्सार रहेको र त्यसमा कुनै परिमार्जन नगरिएको पनि उनले बताए । यसअघि सबै प्रकारका विद्युतीय साधनलाई एउटै दर भए पनि अहिले ६ वर्गमा विभाजन गरिएको उनले जानकारी दिए ।

कर बढाउँदा पनि विद्युतीय सवारी साधनको भन्सार महसुल अन्य सवारी साधनको भन्दा ५० प्रतिशतले कम रहेको मन्त्री खतिवडाको भनाइ थियो ।

विद्युतीय सवारीको प्रयोग बढ्दा विद्युतको खपत बढे पनि विदेशी मुद्रा अस्वाभाविक खर्च हुनबाट जोगाउन कर बढाउनु परेको अर्थमन्त्री खतिवडाको तर्क थियो । विदेशी मुद्राको अस्वाभाविक खर्च कम गरी राज्यलाई समस्या आउन नदिन कर बढाइएको उनले भनाइ थियो । सर्वसाधारण जनताले न्यून मूल्यका गाडीबाट लाभ लिन सक्ने भएकाले विद्युत् बचत गर्ने नाममा महँगो विद्युतीय गाडी किनेर रकम विदेशिन दिन नहुने पनि उनको भनाइ थियो ।

सार्वजनिक यातायातमा विद्युतीय सवारी साधनलाई प्रश्रय दिने सकारको नीति रहेको उनले स्पष्ट पारे ।

आइतबार भन्सार विभागका महानिर्देशकले विद्युतीय सवारी साधन विलासिताको वस्तु भएकाले कर लगाइएको बताएका थिए ।