कोरोनाबाट मृत्यु भएकी महिलाको शिशु डिस्चार्ज

कविन अधिकारी

काठमाडौँ — कोरोना संक्रमणले आमाको मृत्यु भएपछि अस्पतालमै रहेकाे नवजात शिशुलाई शुक्रबार धुलिखेल अस्पतालबाट डिस्चार्ज गरिएको छ । शिशुलाई अस्पतालमा जेठ ३ गतेदेखि राखिएको थियो ।

उक्त शिशुलाई मावलीकी हजुरआमाले लगेकी छन् । उनीहरु होम क्‍वारेन्टाइनमै रहनेछन् ।

सिन्धुपाल्चोक निवासी २९ वर्षीया महिलाको कोरोना भाइरसको संक्रमणबाट गत बिहीबार मृत्यु भएको थियो ।

प्रकाशित : जेष्ठ ९, २०७७ १८:११
प्रतिक्रिया
पठाउनुहोस्
ADVERTISEMENT
ADVERTISEMENT

विद्युतीय शवदाह र किरियापुत्री सेवा एक सातादेखि बन्द

मकर श्रेष्ठ

काठमाडौँ — पशुपति विकास कोषले कोरोना फैलनसक्ने आशंकामा एक सातादेखि किरियापुत्री घरमा बस्ने सुविधा बन्द गरेको छ । किरियापुत्री घरमा बसेका केही व्यक्तिमा कोरोना लागेको शंका लागेकोले एक सातादेखि किरियापुत्री घरमा बसेर किरियाको काम बन्द गरेको कोषका कार्यकारी निर्देशक घनश्याम खतिवडाले बताए ।

‘कोराना लागेको शंका लागेको व्यक्तिले प्रयोग गरेको चारवटा कोठामा ताल्चा लगाएर राखेका छौ,’ उनले भने, ‘केही कोठामा काम सकिन बाँकी भएकाहरु बसेका छन् ।’ यो अवधिमा बिग्रिएको र भत्किएको मर्मत सम्भार समेत भइरहेको उनले बताए । केही कोठा काभ्रेको धुलिखेल अस्तपालमा मृत्यु भएकी महिलाको शव अन्त्येष्टीमा संलग्न १० जना राखिएको उनले बताए । करियापुत्रीको सुविधाका लागि पशुपतिमा ३४ वटा कोठा छन् ।

‘केहीले कोराना नसकेसम्म बन्द गर्ने हो भनेर पनि सोध्ने गरेका छन् । त्यस्तो होइन,’ उनले भने, 'सबै कोठामा डिसइन्फेक्टेट गरेर सञ्चालनमा ल्याउँछौ ।’ किरियापुत्री घर सञ्चालन गर्नै पर्ने कोषलाई बाध्यकारी व्यवस्था नभएको उनले बताए । ‘किरिया त पशुपतिमै बस्नुपर्छ भन्ने हुँदैन । सुविधाको लागि मात्रै हो,’ उनले भने ।

कोषले एक सातादेखि विद्युतीय शव दाहगृह पनि बन्द गरेको छ । धुलिखेल अस्पतालमा मृत्यु भएकी महिलाको अन्त्येष्टि गरेपछि सेवा बन्द गरेको हो । अन्त्येष्टिमा संलग्न कर्मचारीको पीसीआर विधिबाट परीक्षण गर्न बाकी रहेकोले सेवा बन्द गरिएको खतिवडाले बताए । अन्त्येष्टिमा संलग्न तीन जना, सुरक्षाकर्मी तीनजना, सफाईमा संलग्न तीनजना र सहुलियत पसलमा एक जनाको पीसीआर परीक्षण हुन बाँकी रहेको उनले बताए । ‘सबैको रिपोर्ट आएपछि सेवा सुरु गर्छौ,’ उनले भने ।

प्रकाशित : जेष्ठ ९, २०७७ १८:०२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×