सरकारले बुझ्यो नेपाली कामदारको अवस्था
काठमाडौँ — कोरोना भाइरस (कोभिड–१९) को फैँलदो प्रभावलाई मध्य नजर गर्दै सरकारले खाडी तथा अफ्रिकी मुलुकमा रहेका नेपाली कामदारको अवस्था बारे राजदूत तथा नियोग प्रमुखहरुसँग जानकारी लिएको छ ।
परराष्ट्रमन्त्री प्रदीपकुमार ज्ञवाली र श्रम रोजगार तथा सामाजिक सुरक्षा मन्त्री रामेश्वर राय यादवले सोमबार संयुक्त रूपमा सम्बन्धित मुलुकहरुमा राजदूत र नियोग प्रमुखहरुसँग विदेशमा रहेका नेपालीहरु कामदारहरुको अवस्था बारे जानकारी लिएका हुन् ।
मन्त्री ज्ञवालीका अनुसार भिडियो कन्फरेन्समार्फत् नेपालीहरुको वर्तमान अवस्था, सम्बन्धित मुलुकहरुमा भाइरसको फैँलदो र नियन्त्रणको ट्रेन्ड र सम्बन्धित सरकारले विदेशी नागरिकहरुलाई गरेको व्यवस्थाको बारेमा जानकारी लिएका छन् ।
खाडी क्षेत्र र अफ्रिक स्थित नेपाली राजदूत र नियोग प्रमुखहरूसँग कोभिड १९ को प्रभाव, नेपाली श्रमिकहरूको अवस्था र नियोगहरूले गरिरहेका कामहरूका बारेमा जानकारी लिन आयोजित भिडियो कन्फ्रेन्स ।सम्बन्धित सरकार, रोजगारदाता र नेपाली समुदायसँग निरन्तर सम्पर्क,सहयोग र समन्वयका लागि निर्देशन। pic.twitter.com/ranbG6tOtl
— Pradeep Gyawali (@PradeepgyawaliK) March 23, 2020
छलफलमा राजदूत तथा नियोग प्रमुखहरुसँग मन्त्रीद्वयले नियोगहरुले चालेको कदम तथा भविष्यमा लिनु पर्ने उपायहरुको बारेमा समेत छलफल गरेका थिए ।
प्रकाशित : चैत्र १०, २०७६ १८:०१
