नर्भिकले भन्यो- ‘कोरोना संक्रमित छैनन्, अफवाह फैलाउनेलाई कारबाही गरियोस्’

शनिबार विज्ञप्ति जारी गर्दै अस्पतालले कोभिड- १९ को बिरामी अस्पतालमा भेटिएको भ्रामक रहेको जनाएको हो । विज्ञप्तिमा लेखिएको छ, 'यसखाले अपराधपूर्ण अफवाहको हामी कडा निन्दा गर्दछौं । हालसम्म नर्भिकमा कोभिड-१९ का कुनै पनि बरामी पत्ता लागेका छैनन् । यसमा हामी सबै निश्चिन्त र प्रष्ट हुनुपर्दछ ।'

अस्पतालका कार्यकारी निर्देशक राजेन्द्रबहादुर सिंहले अफवाह फैलाउनु अपराधपूर्ण भएको भन्दै कानुनी कारबाही गर्न माग गरेका छन् । नर्भिकमा अहिलेसम्म कोरोनाको संक्रमित नभेटिएको र त्यसको जाँच गर्ने व्यवस्था पनि नरहेको अस्पताल व्यवस्थापनले जनाएको छ ।