पूर्वप्रधानमन्त्रीद्वय नेपाल र भट्टराईविरुद्ध मुद्दा चलाउन माग गर्दै सर्वोच्चमा रिट- समाचार - कान्तिपुर समाचार
कान्तिपुर वेबसाईट
AdvertisementAdvertisement

पूर्वप्रधानमन्त्रीद्वय नेपाल र भट्टराईविरुद्ध मुद्दा चलाउन माग गर्दै सर्वोच्चमा रिट

कान्तिपुर संवाददाता

काठमाडौँ — ललिता निवास प्रकरणमा पूर्वप्रधानमन्त्रीहरु माधवकुमार नेपाल र बाबुराम भट्टराई विरुद्ध मुद्दा चलाउन माग गर्दै सर्वोच्च अदालतमा रिट दायर भएको छ ।

वरिष्ठ अधिवक्ता बालकृष्ण न्यौपानेले बुधबार अख्तियार दुरुपयोग अनुसन्धान आयोगको निर्णयलाई चुनौति दिँदै पूर्वप्रधानमन्त्रीद्वय नेपाल र भट्टराई विरुद्व पनि मुद्दा दायर गर्न माग गरेर रिट दायर गरेका हुन ।


नेपाल २०६६ मा र भट्टराई २०६९ मा प्रधानमन्त्री थिए । अख्तियारको अभियोगपत्रमा सरकार प्रमुखले गरेका नीतिगत निर्णयमा आफूले मुद्दा चलाउन सक्ने अधिकार नभएको उल्लेख छ।


'ललिता निवास क्याम्पभित्रको सरकारी जग्गा सम्बन्धमा विभिन्न मन्त्रालय र कार्यालयबाट विभिन्न मितिमा भएका गैरकानुनी कार्यहरूलाई वैधानिकता दिलाउने र सरकारी जग्गा अनधिकृत व्यक्तिका हक र स्वामित्व स्थापित गराउने गरी सम्बन्धित मन्त्रालयको प्रस्तावअनुरूप मन्त्रिपरिषदबाट २०६६/१२/२९, ०६७/०१/ ३१, ०६७/०४/२८ र ०६९/०६/१८ मा भएका निर्णय मन्त्रिपरिषदबाट सामूहिक रूपमा गरेका नीतिगत निर्णय भएकाले आयोगको क्षेत्राधिकारभित्र पर्ने देखिएन,' अख्तियारले दायर गरेको अभियोगपत्रमा लेखिएको थियो ।


अख्तियारले गत बुधबार तत्कालिन ३ मन्त्रीसहित १७५ जनाविरुद्ध मुद्दा दायर गरेको थियो ।


सम्बन्धित समाचारः

प्रकाशित : माघ २९, २०७६ १६:०५
प्रतिक्रिया
पठाउनुहोस्

पसल फोडेर ११५ तोला सुन लुट्ने ३ भारतीय सतुंगलबाट पक्राउ

स्वरूप आचार्य

काठमाडौँ — ललितपुरको श्रीबहाल, मंगलबजारमा रहेको सुन पसल फोडेर चोरी गर्ने ३ जना भारतीय नागरिकलाई प्रहरीले काठमाडौंको सतुंगल र कालीमाटी क्षेत्रबाट पक्राउ गरेको छ ।

महानगरीय प्रहरी प्रभाग पुल्चाेक र महनगरीय प्रहरी अपराध महाशाखा ललितपुर शाखाकाे संयुक्त टाेलीले पक्राउ गरेका भारतीयबाट ११५ ताेला सुन र २५० तोला चाँदी बरामद गरेको छ । महानगरीय प्रहरी परिसर ललितपुरका डिएसपी सन्ताेष तामाङका अनुसार ११२ ताेला सुन पिडितले सनाखत गरिसकेका छन् ।


परिसर प्रमुख एसएसपी टेकप्रसाद राईका अनुसार पक्राउ परेकाहरुले २१ गते राति मंगलबजारमा रहेको सुन पसल फोडेर त्यहाँ रहेको सेफ लिएर फरार भएका थिए । पक्राउ परेका भारतीयहरुले चोरी गरेको सेफ फोडेर सुन चाँदी झिकी सेफ भने वाग्मतीमा फालेको बयान दिएका छन् ।

प्रकाशित : माघ २९, २०७६ १५:५४
पूरा पढ्नुहोस्
प्रतिक्रिया
पठाउनुहोस्
×