भक्तपुरकी गर्भवती महिलामा कोरोना संक्रमण

‘डेलिभरी’ को समय नजिकिँदै गर्दा नियमित स्वास्थ्य परीक्षणका लागि अस्पताल गएको र अस्पतालले पीसीआर परीक्षण गराउँदा संक्रमण पुष्टि भएको महानगरीय प्रहरी परिसर भक्तपुर प्रमुख एसपी सबिन प्रधानले बताए । कोरोना संक्रमित महिलालाई मंगलबार नै पाटन अस्पतालमा भर्ना गरेको उनले जानकारी दिए ।

ती महिलाको स्वास्थ्य अवस्था सामान्य छ । संक्रमित महिला दोस्रो सन्तानलाई जन्म दिने तयारीमा छिन् । उनको घर एकान्तमा भएकोले घरका अन्य परिवारका सदस्यलाई घरमै आइसोलेसनमा राखिएको प्रहरीले जनाएको छ ।