बुटवल — कोरोना संक्रमणका कारण रुपन्देहीका प्रतिष्ठित उद्योगी सतिशचन्द्र कसौधनको निधन भएको छ । २० दिनअघिदेखि सशस्त्र प्रहरी अस्पताल काठमाडौंमा उपचाररत उनको सोमबार निधन भएको हो ।
कोरोना संक्रमणका कारण अवस्था गम्भीर देखिएपछि उनलाई काठमाडाैं लगिएको नेपाल उद्योग परिसंघका लुम्बिनी प्रदेश संयोजक एजाज आलमले जानकारी दिए ।
रुपन्देही उद्योग संघका पूर्वअध्यक्ष समेत रहेका कसौधन नेपालकै पुराना साबुन उद्योगी हुन् । उनले पछिल्लो समय केमिकल र कागज उद्योगसमेत सञ्चालन गरेका थिए ।
कसौधनका एक श्रीमती २ छोरा छन्।
