बुटवल/तिलोत्तमा — प्रदेश ५ मा लक्षणसहितका कोरोना संक्रमितको संख्या २ सय ४९ पुगेको छ ।  तीमध्ये २ सय २२ जना कोरोना विशेष अस्पतालमा उपचाररत छन् ।

जटिल समस्या भएका २२ जना आईसीयू र एक जना भेन्टिलेटरमा रहेको सामाजिक विकास मन्त्रालयका सूचना अधिकारी पुष्पराज पौडेलले बताए । कोरोनाका कारण ४९ जनाको मृत्यु भएको छ ।

मंगलबार ९७ जना संक्रमित थपिएसँगै प्रदेश ५ मा कोरोना संक्रमितको संख्या ८ हजार ५ सय ४४ पुगेको छ । संक्रमित मध्ये २ हजार १ सय ७९ जना उपचाररत छन् ।

प्रदेशमा मंगलबार थप १ सय ३१  कोरोना मुक्त भएका छन् ।  यससँगै प्रदेशमा अहिलेसम्म ६ हजार २ सय २८ जना संक्रमीत कोरोनाबाट मुक्त भएका छन् ।