पर्साको सखुवाप्रसौनीको अध्यक्षमा एमाले र उपाध्यक्षमा जसपा विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

पर्साको सखुवाप्रसौनीको अध्यक्षमा एमाले र उपाध्यक्षमा जसपा विजयी

भूषण यादब

वीरगन्ज — पर्साको सखुवाप्रसौनी गाउँपालिकाको अध्यक्षमा एमालेका जसवन्त यादव निर्वाचित भएका छन् । यादवले १ हजार ८ सय ३१ मतान्तरले जनता समाजवादी पार्टी (जसपा)का प्रदीप जयसवाललाई पराजित गरेका हुन् । 

जयसवाल गाउँपालिकाका निवर्तमान अध्यक्ष हुन् । यादवले ६ हजार ६ सय ४१ मत ल्याएका छन् भने जयसवालले ४ हजार ८ सय १० मत ल्याएको निर्वाचन कार्यालयले जनाएको छ ।

गाउँपालिका उपाध्यक्षमा जसपाकी शर्मिला विष्ट निर्वाचित भएकी छन् । विष्टले एमालेकी फूलमतिकुमारी थरुनीलाई २ सय १२ मतले पराजित गरेकी हुन् ।

विष्टले ४ हजार ८ सय ६८ मत ल्याएकी छन् भने थरुनीले ४ हजार ७ सय ७८ मत पाएकी छन् । थरुनी निवर्तमान उपाध्यक्ष हुन् । २०७४ को निर्वाचनमा उनी तत्कालीन संघीय समाजवादी फोरमबाट निर्वाचित भएकी थिइन् ।

प्रकाशित : जेष्ठ ६, २०७९ १४:४६
प्रतिक्रिया
पठाउनुहोस्

राईले अध्यक्ष भए वापत् पाउने सेवासुविधाले डाक्टर पढाईदिने 

कान्तिपुर संवाददाता

काठमाडौँ — सोलुखुम्बुको थुलुङ दुधकोशी गाउँपालिकाका नवनिर्वाचित अध्यक्ष असिम राईले आफ्नो कार्यकालभर राज्यबाट प्राप्त गर्ने सुविधा वापतको रकम खर्चेर एक जनालाई एमबीबीएस पढाउने घोषणा गरेका छन् ।

माओवादी केन्द्रबाट निर्वाचित उनले पदभार ग्रहण गर्दै यस्तो घोषणा गरेका हुन् । पालिकाबासीहरुको सेवाका लागि उनीहरुले मलाई चुनेका छन्’ उनले भने,‘कार्यकाल भरी पालिका अध्यक्षको रुपमा प्राप्त हुने सबै सेवा सुविधा गाउँपालिका भित्रका गरिब तथा जेहनदार बिद्यार्थी मध्ये १ जनालाई डाक्टर पढाउन खर्च गर्नेछु ।’

४ हजार ४९ मत सहित गाउँपालिकाको अध्यक्षमा उनी निर्वाचित भएका थिए । यो उनको दोस्रो कार्यकाल हो । यसअघि पनि उनी नै निर्वार्चित बनेका थिए । यो उनको दोस्रो कार्यकाल हो ।



प्रकाशित : जेष्ठ ६, २०७९ १४:४५
पूरा पढ्नुहोस्
प्रतिक्रिया
पठाउनुहोस्
×