प्यूठानको झिमरुकको अध्यक्षमा माओवादी, उपाध्यक्षमा कांग्रेस विजयी- स्थानीय तह निर्वाचन २०७९ - कान्तिपुर समाचार

प्यूठानको झिमरुकको अध्यक्षमा माओवादी, उपाध्यक्षमा कांग्रेस विजयी

शमशेरविक्रम जीसी

प्यूठान — नेकपा मसालका महामन्त्री मोहनविक्रम सिंहको गृहपालिका झिमरुक गाउँपालिकामा नेकपा माओवादी केन्द्रका पितबहादुर एमसी गाउँपालिका अध्यक्षमा विजयी भएका छन् । राष्ट्रिय जनमोर्चाको प्रभाव क्षेत्र मानिने झिमरुक गाउँपालिकामा जनमोर्चाका टीकाबहादुर जिसीलाई पराजित गर्दै नेकपा माओवादी केन्द्रका पितबहादुर एमसी विजयी भएका हुन् ।

नेकपा मसालका महामन्त्री मोहनविक्रम सिंहको गृहपालिका झिमरुक गाउँपालिकामा नेकपा माओवादी केन्द्रका पितबहादुर एमसी गाउँपालिका अध्यक्षमा विजयी भएका छन् । राष्ट्रिय जनमोर्चाको प्रभावशाली मानिने झिमरुक गाउँपालिकामा जनमोर्चाका टीकाबहादुर जिसीलाई पराजित गर्दै नेकपा माओवादी केन्द्रका पितबहादुर एमसी विजयी भएका हुन् ।

माओवादी केन्द्रका एमसीले ५ हजार ९२९ मत ल्याएर निर्वाचित भए । उनका प्रतिद्वन्द्वी राष्ट्रिय जनमोर्चाका टीकाबहादुर जीसीले ५ हजार ६९६ मत ल्याए ।

यस्तै गाउँपालिका उपाध्यक्षमा नेपाली कांग्रेसका प्रमोद पोख्रेल विजयी भएका छन् । नेकपा एमालेकी बिष्णा घर्तिमगरलाई पराजित गर्दै पोख्रेल विजयी भएका हुन् । कांग्रेसका पोख्रेलले ६ हजार ४१९ मत प्राप्त गर्दा नेकपा एमालेकी विष्णु घर्ती मगरले ४ हजार ५६२ मत प्राप्त गरिन् ।

यसअघिको स्थानीय तहमा राष्ट्रिय जनमोर्चाले गाउँपालिकाको अध्यक्ष र उपाध्यक्ष दुवै पदमा विजयी हासिल गरेको थियो । यस पटकको स्थानीय तह निर्वाचनमा झिमरुक गाउँपालिकामा नेपाली कांग्रेस र राष्ट्रिय जनमोर्चाका बीचमा तालमेल भएको थियो भने नेकपा एमाले र माओवादी केन्द्रका बीचमा वाम गठबन्धन भएको थियो ।

प्रकाशित : जेष्ठ ४, २०७९ २०:०९
प्रतिक्रिया
पठाउनुहोस्

धादिङको सिद्धलेकमा कांग्रेसका खतिवडा र समाजवादीकी अर्याल विजयी

सरिता श्रेष्ठ

धादिङ — सिद्धलेक गाउँपालिकामा सत्ता गठबन्धन दलका उम्मेदवारहरु विजयी भएका छन् । गाउँपालिकाको अध्यक्षमा नेपाली काँग्रेसका उम्मेदवार परशुराम खतिवडा विजयी भएका छन् । उनले ७ हजार ९ सय ५६ मत प्राप्त गरे । उनका निकटतम प्रतिद्वन्द्वी नेकपा एमालेका उम्मेदवार प्रेमनाथ सिलवालले ६ हजार १ सय ७१ मत प्राप्त गरे । 

उपाध्यक्षमा नेकपा एकिकृत समाजवादीका उम्मेदवार सविता अर्याल विजयी भएकी छन् । उनले ७ हजार ३ सय ६२ मत प्राप्त गरिन् । उनका निकटतम प्रतिद्धन्द्धि नेकपा एमालेकी उम्मेदवार कमला शर्माले ६ हजार २ सय १२ मत प्राप्त गरिन् । अध्यक्ष र उपाध्यक्षमा पराजित सिलवाल र शर्मा २०७४ सालको निर्वाचनमा एमालेबाट विजयी भएका थिए । उनीहरु दोहोरिएर उम्मेदवार बनेका थिए ।

गाउँपालिकाको वडा नं १ माओवादीका पेमा वाङग्याल लामा, वडा नं २ मा नेपाली काँग्रेसका शम्भु गुरुङ, वडा नं ३ मा नेकपा एमालेका देवबहादुर पुलामी, वडा नं ४ मा एमालेकै झंकबहादुर थापा मगर, वडा नं ५ मा माओवादीका बुध घले, वडा नं ६ मा एमालेका सुरेन्द्र कुमार मगर, वडा नं ७ मा काँग्रेसका सानो गिरी निर्वाचित भएका छन् ।

प्रकाशित : जेष्ठ ४, २०७९ २०:०३
पूरा पढ्नुहोस्
प्रतिक्रिया
पठाउनुहोस्
×