महोत्तरी गाउँपालिका अध्यक्षमा तमलोपा र उपाध्यक्षमा जसपा विजयी
महोत्तरी — महोत्तरी गाउँपालिकामा तराई-मधेस लोकतान्त्रिक पार्टी विजयी भएको छ । लोसपाका दिलीपकुमार पाण्डेय २ हजार ३ सय ३६ मत प्राप्त गरी गाउँपालिका अध्यक्षमा विजयी भएका हुन् ।
गाउँपालिका उपप्रमुखमा जनता समाजवादी पार्टिकी दिपोदेवी पासवान २ हजार ६४ मतका साथ विजयी भएको निर्वाचन अधिकृत प्रभुनाथ राईले जानकारी दिए ।
पण्डेका निकटतम प्रतिद्वन्द्वी जसपाका अजयजंग रायले २ हजार २ सय ८ मत प्राप्त गरेका छन् । उपप्रमुख पासवानकी निकटतम प्रतिद्वन्द्वी ललितादेवी साहले १ हजार ९ सय ९१ मत प्राप्त गरेकी छन् ।
निर्वाचन कार्यालयले निर्वाचन परिणाम सार्वजनिक गरिसकेको छ ।
प्रकाशित : जेष्ठ ४, २०७९ १३:५०प्रतिक्रिया