हेटौंडामा राप्रपा फेरि अगाडि लाग्यो- स्थानीय तह निर्वाचन २०७९ - कान्तिपुर समाचार

हेटौंडामा राप्रपा फेरि अगाडि लाग्यो

सुवास विडारी

मकवानपुर — हेटौंडा उपमहानगरपालिकामा राप्रपाले पुन: अग्रता लिएको छ । मंगलबार साँझ ७ बजेसम्म २७ हजार ४६२ मत गणनाहुादा राप्रपा अगाडि बढेको हो । राप्रपा ४८ मतले अगाडि रहेको छ ।

राप्रपाका उम्मेदवार दीपक सिंहले ८ हजार ५६५ मत प्राप्त गरेका छन् । दोस्रो स्थानमा रहेको सत्तारुढ गठबन्धनकी उम्मेदवार मीना लामाले ८ हजार ५१७ मत प्राप्त गरेकी छिन् । नेकपा एमालेका उम्मेदवार अनन्त पौडेलले ७ हजार १३१ मत प्राप्त गरेका छन् ।

हालसम्म हेटौंडाको चारवटा वडाको मतगणना सम्पन्न भइसकेको छ । हालसम्म हेटौंडाको २ वटा वडामा कांग्रेस र २ वटा वडामा नेकपा एमाले विजयी भएको छ । हाल हेटौंडामा आठवटा वडाको मतगणना भइरहेको छ ।

प्रकाशित : जेष्ठ ३, २०७९ १९:४७
प्रतिक्रिया
पठाउनुहोस्

अन्तरप्रदेश भाडा ३.५ प्रतिशतले बढ्यो [सूचीसहित]

कान्तिपुर संवाददाता

काठमाडौँ — इन्धनको मूल्य बढेसँगै अन्तर प्रदेश चल्ने सार्वजनिक यातायातमा ३.५ प्रतिशत भाडादर वृद्धि भएको छ । यातायात व्यवस्था विभागले जेठ ४ गतेदेखि लागू हुने गरी यात्रुवाहकमा ३.५ प्रतिशत, पहाडी बाटोमा चल्ने (मालवाहक)मा ४.६ र तराईको बाटोमा सञ्चालन हुने मालवाहक सवारीमा ५.१ प्रतिशत भाडादर वृद्धि गरेको हो । 

इन्धनको बजार मूल्य ५ प्रतिशत वा सोभन्दा बढीले बढेमा वा घटेमा वैज्ञानिक भाडा समायोजन प्रणलीअनुसार स्वचालित रूपमा अन्तर प्रदेश यातायातको भाडा बढ्ने वा घट्ने व्यवस्था गरेको थियो । पछिल्लो समायोजनमा आधार लिइएको मूल्यभन्दा १०.८६ प्रतिशत पुगेकाले दुई वा सो भन्दा बढी प्रदेश भई (राष्ट्रियस्तरका रुटमा) सञ्चालन हुने यातयातको भाडादर स्वचालित प्रणालीअनुसार समायोजन गरेको विभागले जनाएको छ ।

पछिल्लो पटक भाडादर समायोजन गर्दा डिजेलको बजारमूल्य १३८ (प्रति लिटर) थियो । त्यसपछि क्रमश: चैत २२ मा ५ रुपैयाँ र वैशाख ३१ मा १० रुपैयाँ वृद्धि भई हाल १५३ रुपैयाँ कायम भएको छ ।

तराईको लामो दूरी (२५० किमि भन्दा बढी) पक्की र ग्राभेल बाटोमा सञ्चालन हुने यात्रुवाहक बस र मिनिबसका लागि साविक प्रतिव्यक्ति २..६७ प्रतिशत रहेकोमा बुधबारदेखि २.७६ पैसा कायम गरिएको हो । यस्तै २५ किमि देखि २५० किमि प्रति व्यक्ति २ रुपैयाँ ७६ पैसा रहेकोमा अब २ रुपैयाँ ८३ पैसा भाडादर कायम गरिएको विभागले जनाएको छ ।

विभागले काठमाडौं–पोखरा र पोखरा–नारायणघाट खण्डको प्रति व्यक्ति २ रुपैयाँ ९४ पैसा कायम भएकोमा अब ३.०४ भाडादर कायम गरिएको छ ।

कहाँको भाडा कति ?

प्रकाशित : जेष्ठ ३, २०७९ १९:१०
पूरा पढ्नुहोस्
प्रतिक्रिया
पठाउनुहोस्
×