विराटनगर — मोरङको ग्रामथान गाउँपालिकाको अध्यक्ष चयनका लागि मतदान जारी छ । दिउँसो १ बजेसम्म १० हजार बढी मत खसेको निर्वाचन अधिकृतको कार्यालयले जनाएको छ ।
बेलुका ५ बजे मतदान सकिएपछि आजै रातिदेखि मतगणना सुरु गर्ने तयारीमा निर्वाचन कार्यालयले तयारी गरिएको छ ।
ग्रामथानमा २६ हजार ४४ मतदाता छन् । अध्यक्ष पदका लागि नेपाली कांग्रेस, एमाले , माओवादी केन्द्र लगायतका १६ उम्मेदवार मैदानमा छन् ।
