कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १०४

‘भष्मे डन’ छायांकन यसै साता

काठमाडौँ — निर्देशक दीपेन्द्र के खनालको निर्देशनमा बन्न लागेको फिल्म ‘पशुपति प्रसाद–२ ः भष्मे डन’ को सुटिङ शुक्रबारदेखि हुने भएको छ । 

‘भष्मे डन’ छायांकन यसै साता

‘पशुपति प्रसाद’ फिल्ममा विपिन कार्कीले निर्वाह गरेको मुख्य चरित्र भष्मे डनमा केन्द्रित रहेर निर्माण हुन लागेको फिल्ममा कार्कीसँगै स्वस्तिमा खड्का, सौगात मल्ल, वर्षा सिवाकोटी, रवीन्द्र सिंह बानियाँ, प्रकाश घिमिरे, मिश्री थापा, सजन थापा मगरलगायतका कलाकारले अभियन गर्ने जनाइएको छ ।

सात वर्षमा भष्मे डनको जीवनमा आएका विभिन्न उतारचढावलाई मुख्य विषयवस्तुका रूपमा फिल्मले प्रस्तुत गर्ने जनाइएको छ । फिल्मको कथा खगेन्द्र लामिछानेले तयार पारेका हुन् भने उनी आफैं निर्माता हुन् । नाम मात्रको नभई अर्थपूर्ण र तर्कपूर्ण सिक्वेल बन्ने लेखक लामिछानेको दाबी छ । निरज कँडेलको डीओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाज तथा सुभाष भुसालको संगीत रहने फिल्म टुकी आर्टस्को ब्यानरमा निर्माण हुनेछ ।

फिल्मको शुक्रबार काठमाडौंको पशुपतिनाथ मन्दिर परिसरमा शुभमुहूर्त गरिएको हो । शुभमुहूर्त कार्यक्रममा निर्देशक खनालका साथै विभिन्न कलाकारको उपस्थिति थियो । फिल्मको छायांकन पशुपति क्षेत्र विकास कोष परिसरमा हुने र ३० दिनमा पूरा गर्ने लक्ष्य राखिएको छ । फिल्म बडादसैंको फूलपातीका दिनदेखि प्रदर्शनमा आउने निर्माण पक्षले जनाएको छ ।

प्रकाशित : चैत्र ६, २०७९ ०८:०२
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?