कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

नेपहपको श्रीपेच अस्ट्रेलियामा

कान्तिपुर संवाददाता

काठमाडौँ — नेपाली हिपहप रियालिटी शो नेपहपको श्रीपेच कार्यक्रम अस्ट्रेलियामा हुने भएको छ । शोका विजेता र निर्णायकहरूले ‘नेपहपको श्रीपेच लाइभ इन अस्ट्रेलिया’ कार्यक्रमअन्तर्गत अस्ट्रेलियाका विभिन्न सहरमा आगामी मे महिनामा प्रस्तुति दिनेछन् । 

नेपहपको श्रीपेच अस्ट्रेलियामा

पहिलो सिजनको विजेता भाइबर साइमनले फस्ट रनर अप जेनिस क्षत्रीलगायत कलाकारहरूको नेतृत्व गर्नेछन् । कार्यक्रम सिड्नी, पर्थ र ब्रिसबेनमा आयोजना गरिने जनाइएको छ । मे १२ मा सिड्नी, १७ मा पर्थ र १९ मा ब्रिसबेनका लागि कार्यक्रम तय गरिएको छ । कार्यक्रमका मुख्य निर्णायक चर्चित र्‍यापर मानस घलेको उपस्थितिले कार्यक्रम सफल हुने आयोजक हाइपेक्स इभेन्ट्स एन्ड इन्टरटेनमेन्टको दाबी छ ।

कार्यक्रमका कार्यकारी निर्माता सुदीप पोखरेल र रोशन श्रेष्ठले पनि अस्ट्रेलियास्थित नेपाली समुदायका हिपहपप्रेमीलाई मनोरञ्जन गराउन पाउँदा खुसी भएको बताएका छन् । अस्ट्रेलियास्थित दर्शकका लागि अग्रिम टिकट बुकिङको समेत व्यवस्था मिलाइएको छ । कार्यक्रम सुजता श्रेष्ठले सञ्चालन गर्ने जनाइएको छ ।

प्रकाशित : फाल्गुन २९, २०७९ ०७:०३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?