लकडाउनमा लेले टीकाभैरव–बगुवा खण्डअन्तर्गत दुई किमि कालोपत्र गरिसकिएको उनले जानकारी दिए । भट्टेडाँडा खण्डमा ढलानको काम भइरहेको कान्ति लोकपथ आयोजना प्रमुख ज्ञानेन्द्रकुमार झाले बताए । ‘लकडाउनको सात–आठ दिनसम्म काम ठप्प रह्यो,’ उनले भने, ‘अहिले स्थानीय लेबर राखेर पनि काम भइरहेको छ ।’

भट्टेडाँडा खण्डमा मात्रै चालक, लेबर गरेर ४२ जना कामदार दिनहुँ खटिरहेको लोकपथअन्तर्गत ललितपुर खण्डका ठेकेदार केदार तिमिल्सेनाले बताए । ‘माल्टा दोबाटोमा वालको काम भइरहेको छ,’ उनले भने, ‘बालुवा र गिट्टीका लागि बगुवा क्षेत्रमा क्रसर सञ्चालन गरिरहेका छौं ।’

लोकपथको ललितपुर खण्डअन्तर्गत साढे दुई किमि सडक चौडा गर्न बाँकी छ । १५ किमि कालोपत्र गर्न बाँकी छ । ललितपुर खण्डतर्फ सूर्य वाइबा जेभी र मकवानपुरतर्फ मोतीदान, श्रेष्ठ/बानियाँ जेभी र अमर कन्स्ट्रक्सनले ठेक्का पाएका हुन् । सरकारले यो आयोजनाका लागि चालु आवमा सुरुमा ६० करोड रुपैयाँ बजेट छुट्याएको थियो । लोकपथ विस्तार भई सञ्चालनमा आउन योजनाले ३ अर्ब ३५ करोड बजेट अनुमान गरेको छ ।

सन् २०१३–२०१६ मा नेपाली सेनाले गरेको कान्ति लोकपथको ट्र्याक निर्माण हो ।