भारतमा कोरोना संक्रमणबाट मृत्यु हुनेको संख्या ४ लाख नाघ्यो
काठमाडौँ — भारतका कोरोना संक्रमणबाट मृत्यु हुनेको संख्या ४ लाख नाघेको छ । भारतीय स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा थप ८ सय ५३ जनाको कोरोनाका कारण मृत्यु भएसँगै मृतकको संख्या ४ लाख नाघेको हो ।
भारतीय स्वास्थ्य मन्त्रालयका अनुसार बिहीबार साँझसम्म कोरोना संक्रमणबाट मृत्यु हुनेको संख्या ४ लाख ३ सय १२ पुगेको छ । त्यस्तै पछिल्लो २४ घण्टामा भारतमा थप ४६ हजार ६ सय १७ जनामा संक्रमण पुष्टि भएको छ । भारतमा अहिलेसम्म ३ करोड ४ लाखभन्दा बढीमा संक्रमण पुष्टि भएको छ ।
त्यस्तै अहिलेसम्म २ करोड ९५ लाखभन्दा बढी संक्रमणमुक्त भएका छन् । अहिले भारतमा सक्रिय संक्रमितको संख्या झण्डै ५ लाख ९ हजार रहेको छ ।
India reports 46,617 new #COVID19 cases, 59,384 recoveries, and 853 deaths in the last 24 hours, as per the Union Health Ministry.
— ANI (@ANI) July 2, 2021
Total cases: 3,04,58,251
Total recoveries: 2,95,48,302
Active cases: 5,09,637
Death toll: 4,00,312
Total Vaccination: 34,00,76,232 pic.twitter.com/M8bYPkUM9N
भारतमा अहिलेसम्म ३४ करोड ७६ हजारभन्दा बढी डोज कोरोना खोप लगाइसकिएको छ । भारतमा कोरोनाको दोस्रो लहर सकिएको दाबी गरिए पनि तेस्रो लहर आउन सक्ने सम्भावना रहेको भन्दै विज्ञहरूले चेतावनी दिएका छन् ।
प्रकाशित : असार १८, २०७८ १२:२९