भारतमा कोरोना नियन्त्रणमा खट्नेलाई पचास लाखको बिमा

सुरेशराज न्यौपाने

नयाँदिल्ली — भारत सरकारले विश्वव्यापी महामारी लिएको कोरोना भाइरस(कोभिड–१९) को नियन्त्रणमा आफ्नो ज्याननै जोखिम मोलेर खटिएका स्वास्थ्यकर्मी, चिकिस्तक, स्वयंसेविका, नर्सलगायतका जनशक्तिलाई लक्षित गर्दै विशेष बिमा योजना ल्याएको छ । 

जसअन्तर्गत त्यसरी खटिएका प्रत्येकको पचास लाख भारतीय रुपैयाँसम्मको बिमा गरिने भएको छ । विश्वभरि नै कोरोना संक्रमणमा खटिएका जनशक्तिको व्यक्तिगत सुरक्षालाई लिएर प्रश्न उठिरहेका बेला भारतले बिमा योजना अघि सारेको हो ।


यो योजनाबाट करिब २० लाख जना लाभान्वित हुने बताइएको छ । भारतकी अर्थ मन्त्री निर्मला सितारमणले बिहीबार पत्रकार सम्मेलनमार्फत् यसको घोषणा गरेकी हुन् । उनी कोरोना महाव्याधीबाट पर्ने अध्ययनका लागि गठित विशेष कार्यदलकी संयोजक हुन् ।

प्रकाशित : चैत्र १३, २०७६ १४:२२
प्रतिक्रिया
पठाउनुहोस्

भारतबाट आएका १४० जना क्‍वारेन्टाइनमा 

कमल पन्थी

(बर्दिया) — भारतमा मजदुरी गरी फर्केका १ सय ४० जनालाई जिल्लाका विभिन्न ठाउँमा निर्माण गरिएका क्‍वारेन्टाइनमा राखिएको छ । कोरोना भाइरस (कोभिड—१९) संभावित संक्रमित हुन सक्ने भन्दै उनीहरुलाई क्‍वारेन्टाइनमा राखिएको हो । यसैगरी दुई जनालाई जिल्ला अस्पताल गुलरियाको आइसोलेसनमा राखिएको मेडिकल सुपरिन्टेन डाक्टर सुभाष पाण्डेयले बताए । 

भारतको गड्डाचौकी हुँदै बर्दिया फर्केका २८ जनालाई बारबर्दियामा १५, गुलरियामा ४, मधुवनमा ४, ठाकुरबाबामा ३ र बासगढीमा २ जनालाई क्‍वारेन्टाइनमा राखिएको प्रहरीले जनाएको छ । मुम्बईबाट आएका १५ जनालाई गुलरियाको आदर्श जानकी आधारभूत विद्यालयको क्‍वारेन्टाइनमा राखिएको छ ।

यसैगरी बबई बहुमुखी क्याम्पसमा ६ जना रहेका छन् । अन्यलाई घरमै क्‍वारेन्टाइनमा राखिएको छ ।

बारबर्दियाका नगर प्रमुख दुर्गाबहादुर थारुले क्‍वारेन्टाइनमा आएका सबैलाई खाने, बस्ने, ओछ्यान, खाद्यान्य, स्वास्थ्यकर्मी सबैको व्यवस्था पालिकाले गरेको जनाए । जिल्लामा ६ नपा र २ गापा सबैमा स्थानीय निकायले विद्यालय, स्वास्थ्य केन्द्र र रेडक्रस भवनमा क्‍वारेन्टाइन बनाएका छन् ।

प्रकाशित : चैत्र १३, २०७६ १४:२०
पूरा पढ्नुहोस्
प्रतिक्रिया
पठाउनुहोस्
×