पेरिस — कोरोना भाइरसको संक्रमण बढ्दै जाँदा स्वास्थ्यकर्मीहरुलाई मास्कको अभाव देखिएपछि चीन सरकारले फ्रान्सलाई १० लाख मास्क दानस्वरुप पठाएको छ ।
युरोपभरि नै मास्कको अभाव देखिएपछि चिनियाँ अनलाइन मार्केटिङ कम्पनी अलिबाबामार्फत कार्गो विमानमार्फत चीन सरकारले मास्क फ्रान्स पठाएको हो ।
चीनले त्यस्ता मास्कहरु युरोपेली अन्य मुलुकलाई पनि सहयोग गरेको फ्रान्स न्युज २४ ले जनाएको छ । तर चीनले अन्य युरोपेली मुलुकलाई कति संख्यामा पठाएको हो भन्ने चाहिँ उल्लेख छैन । पेरिसस्थित चिनियाँ दूतावासले पनि पहिलो खण्डमा मेडिकल सामग्री पठाएको जानकारी दिएको छ । चीनले फ्रान्सलाई मास्क, सर्जिकल मास्क, प्रोटेक्टिभ सुटलगायतका सामग्री पठाएको दूतावासले जानकारी दिएको छ ।
Un lot de fournitures médicales accordé par la Chine à la France est arrivé aujourd’hui. Elles comprennent des masques de protection, des masques chirurgicaux, des combinaisons de protection et des gants médicaux. Unis nous vaincrons! #COVID19 pic.twitter.com/KYMg9I5cA5
यसअघि चीनमा कोरोना भाइरसको तीव्र संक्रमणका बेला फ्रान्स सरकारले चीनलाई १७ टन विभिन्न चिकित्सकीय सामग्री सहयोगस्वरुप वुहान पठाएको थियो ।
