सुदूरपश्चिम विश्वविद्यालयको केन्द्रीय क्याम्पसमा स्ववियु निर्वाचन चैत २१ मा हुने भएको छ । यसअघि चैत ८ मा हुने निर्वाचन स्थगित भएपछि सोमबार क्याम्पस प्रशासन र संघ/संगठनका प्रतिनिधिबीच निर्वाचन गर्ने सहमति भएको हो ।
तनहुँको व्यास नगरपालिका–१ विज्ञानचौरस्थित आदिकवि भानुभक्त क्याम्पसको निर्वाचन प्रबन्ध समितिले सोमबार सहमतिका आधारमा स्ववियु नेतृत्व चयन गरेको छ । सहमति अनुसार नेविसंघका गौरव पन्थ स्ववियु अध्यक्षमा चयन भएका छन् ।
बरुण क्याम्पस खाँदबारीको स्ववियु निर्वाचनमा नेविसंघ र अखिल क्रान्तिकारीको संयुक्त प्यानल विजयी भएको छ । त्रिभुवन विश्वविद्यालय अन्तर्गत संखुवासभाका ४ क्याम्पसमध्ये २ क्याम्पसमा स्ववियु निर्वाचन भएको थियो ।
नेपाल संस्कृत विश्वविद्यालय अन्तर्गत लक्ष्मीनायारायण विध्यापिठ मटिहानी क्याम्पसमा भएको स्वतन्त्र विद्यार्थी युनियन (स्ववियु) निर्वाचनमा लोकतान्त्रिक समाजवादी पार्टी निकट विद्यार्थी संगठन लोकतान्त्रिक विद्यार्थी संघ (लोविसंघ)को प्यानल नै विजयी भएको छ ।
गणक प्रतिनिधिले आफ्नो परिचयपत्र नखुलाउँदा मतगणना सुरु हुन नसकेको यहाँको महेन्द्र मोरङ बहुमुखी क्याम्पसमा स्ववियु निर्वाचनको मतगणना सोमबार अपराह्नदेखि गणना गर्ने तयारी गरिएको छ ।
बुटवल बहुमुखी क्याम्पसमा नेकपा एमाले निकट अनेरास्ववियुको प्यानल नै विजयी भएको छ । कुल ७ हजार १ सय १० विद्यार्थी मतदाता रहेको क्याम्पसमा २ हजार ६ सय ८१ मत खसेको थियो ।
स्ववियु चुनावमा गुल्मीका क्याम्पसहरुमा अनेरास्ववियू पहिलो भएको छ । जिल्लाका ११ क्याम्पसमध्ये ५ क्याम्पसमा अनेरास्ववियुले सभापति पद जितेर पहिलो भएको हो ।
यज्ञोदय दूधानाथ थारु बहुमुखी क्याम्पस, शुद्धोधन रुपन्देहीको स्ववियु सभापतिमा महेश चौधरीसहित नेपाली कांग्रेस निकट नेपाल विद्यार्थी संघ (नेविसंघ)को प्यानल नै विजयी भएको छ । चौधरीले ४ सय ३ मत ल्याएर विजयी हुँदा अनेरास्ववियु, अनेरास्ववियु क्रान्तिकारी र राष्ट्रिय प्रजातान्त्रिक विद्यार्थी संगठनको संयुक्त उम्मेदवार समुन्द्र बगाले रेग्मीले १ सय ८१ मत प्राप्त गरे ।
रुपन्देहीको कञ्चन गाउँपालिका–३ हरैयामा रहेको हरैया बहुमुखी क्याम्पसमा एमाले सम्बद्ध अनेरास्ववियु, जनमत विद्यार्थी संघ, लोकतान्त्रिक विद्यार्थी संघको संयुक्त प्यानलबाट सभापति पदमा २ सय २२ मत ल्याएर प्रदिप शर्मा विजयी भएका छन् । उनका निकटतम प्रतिस्पर्धी नेपाल विद्यार्थी संघका सुनिल रानाले १ सय ९९ मत प्राप्त गरे ।
भक्तपुरस्थित सानोठिमी क्याम्पसको स्ववियु निर्वाचनमा अखिल क्रान्तिकारी रेशम श्रेष्ठ विजयी भएका छन् । क्षेत्रपाटीस्थित पब्लिक युथ क्याम्पसमा नेविसंघका नवीन पाण्डे सभापतिमा विजयी भएका छन् । यस्तै, महाराजगन्ज नर्सिङ क्याम्पसको सभापतिमा नोबिना बस्नेत अनेरास्ववियुबाट अध्यक्षमा निर्वाचित भएकी छन् ।
कैलालीका ९ वटा क्याम्पसमा भएको स्ववियु निर्वाचनमा बिहानसम्म नतिजा सार्वजनिक भएका ५ वटा क्याम्पसमा अनेरास्ववियु र ३ वटामा अखिल क्रान्तिकारीको टिम विजयी भएको छ ।
जिल्लास्थित चर्तुदेव हिरा सुरेन्द्रपूर्ण क्याम्पसमा अखिल क्रान्तिकारीका मनसुर कार्की निर्विरोध निर्वाचित भएका छन् । नेविसंघबाट सचिवमा दलकृष्ण रावत कोषाध्यक्षमा दुर्गदेवी सञ्जेल निर्विरोध निर्वाचित भएका छन् । त्यसैगरी सदस्य पदमा अनेरास्ववियुका अमिर लावड, विपना रोकाया र विजयकुमार शाही निर्विरोध निर्वाचित भएका छन् ।
मालिकार्जुन गाउँपालिकामा रहेको शंकरपुर क्याम्पस पस्तीको स्ववियु सभापतिमा अनेरास्ववियु र अनेरास्ववियु क्रान्तिकारीका साझा उम्मेदवार कविता अवस्थी प्यानलसहित विजयी भएकी छन् । उनले नेपाल विद्यार्थी संघका एकेन्द्रसिंह धामीलाई १५ मतले पराजित गर्दै विजयी भएकी हुन् ।
रूपन्देहीको देवदहमा रहेको देवदह आदर्श बहुमुखी क्याम्पसमा अनेरास्ववियुको प्यानल नै विजयी भएको छ । अध्यक्ष अर्जुन गैरेको नेतृत्वमा अखिलको प्यानल नै विजयी भएको हो ।
निर्वाचन सकिएको भए पनि राजविराजस्थित महेन्द्र विन्देश्वरी बहुमुखी क्याम्पसको स्वतन्त्र विद्यार्थी युनियनको मतगणना अझै पनि सुरू हुन सकेको छैन । आइतबार भएको निर्वाचनमा कुल १ हजार ९ सय १४ मतदातामध्ये ८ सय २९ जना मतदाताले मतदान गरेका थिए ।
जाजरकोटको सदरमुकाम खलंगामा रहेको भेरी ज्ञानोदय बहुमुखी क्याम्पसको स्ववियु सभापतिमा नेपाल विद्यार्थी संघका प्रकाश सिंह निर्वाचित भएका छन् । आइतबार भएको निर्वाचनमा सिंहले १ सय १० मत ल्याएर निर्वाचित भएका हुन् ।