एटलान्टा — इंग्ल्यान्डले विश्वकप २०२६ मा त्यो लय हात पार्न सकेको छैन, जुन अपेक्षित थियो । जतिबेला इंग्ल्यान्डले बुधबार अन्तिम ३२ को खेलमा डीआर कंगोको सामना गर्दा टोलीलाई गाह्रो हुन सक्नेछ । कंगो त्यस्तो विपक्षी टिम रहनेछ, जसका विरुद्ध सामान्य भुल पनि महँगो हुने डर छ । थोमस टचेल (तस्बिरमा) को इंग्ल्यान्ड समूह ‘एल’ मा अन्तिममा हराएर जित्न सफल थियो । 

यसै कारण धेरै हदसम्म इंग्ल्यान्डका लागि अबको बाटो सहज देखिन्छ । यति हुँदाहुँदै पनि इंग्ल्यान्डले उच्च प्रदर्शन गर्न सकेको छैन । घानाविरुद्ध लिग चरणको दोस्रो खेलमै निराशाजक गोलरहित बराबरीमा टुंगिएको थियो । पानामाविरुद्ध भने जुड बेलिङ्घम र ह्यारी केनले गोल गरेका थिए । तर प्रतियोगिता अगाडि बढ्दै जाँदा अरू खेलाडीबाट पनि गोल अपेक्षित हुनेछ । 

क्रोएसियाविरुद्ध पहिलो खेलमा इंग्ल्यान्डको ४–२ को जित भने रोमाञ्चक रह्यो । लिग चरणमा इंग्ल्यान्डको समग्र प्रदर्शनको विशेषता थियो, कल्पनाशीलतामा कमी, आक्रमणमा कमजोर र उपाधिको प्रत्याशीको छवि बनाउन नसक्नु । बुधबार एटलान्टामा हुने नकआउट चरणको खेलमा इंग्ल्यान्डसामु यी सबै समस्या जसरी पनि समाधान गर्नुपर्नेछ । 

कंगो भने तेस्रो स्थानमा रहेका उत्कृष्ट आठ टिममध्ये एकको हैसियत बोकेर दोस्रो चरणसम्म पुगेको हो । लिग चरणमा कंगो एकपल्ट प्रतियोगिताबाट बाहिरिने स्थितिबाट गुज्रिएको थियो । त्यसयता टोलीले राम्रो प्रदर्शन गरेको छ । एटलान्टामै भएको खेलमा कंगोले उज्वेकिस्तानमाथि ३–१ को प्रभावशाली जित निकालेको थियो । यो खेलमा कंगोलाई अघि बढ्न जित अनिवार्य थियो । 

सवास्टिन डेसाब्रेको टिमले उज्वेकिस्तानविरुद्ध दुई आक्रमणमा दुई खेलाडी उतारेको थियो । तय छ, इंग्ल्यान्डविरुद्ध उनले पछाडि ५ खेलाडी रक्षापंक्तिमा उतार्ने छ । लिग चरणमा कंगाले यही रणनीति उपयोग गरेर पोर्चुगललाई १–१ को बराबरीमा रोकेको थियो भने कोलम्बियासँग १–० को साँघुरो हार बेहारेको थियो । कंगो यस्तै प्रदर्शन दोहोर्‍याउने पक्षमा हुनेछ ।